وێنه‌يى: شڤێدی ئەڤ روودانە ل ئاکرێ روودا
ئاکرێ، نەوزاد زادە ھلۆری:
شڤێدی ل دەمژمێر ٧:٣٠ د روودانەکا ترافیکێ دا ل قەزا ئاکرێ سێ کەس بریندار بوون.
رێکەفت زاھێر بەرپرسێ راگەیاندنا ھاتنوچوونا ئاکرێ بۆ ئەڤرۆ نیوز گۆت: “شڤێدی ل سەنتەرێ قەزا ئاکرێ نێزیکێ گومرکا ئاکرێ دو ترومبێلێن ژ جورێ تویوتا پیکاب رەنگێ سپی تایبەت و ئوپل ڤیکترا رەنگێ رەش تایبەت روودا و د ئەنجام دا سێ کەس برینداربوون”.
زێدەتر گۆت: “بریندارێن روودانێ ژ بۆ نەخوشخانەیا تەنگاڤیا ل ئاکرێ ھاتنه رەوانەکرن و رەوشا وان نھا باشە”.
