وێنه‌يى: ناسنامه و پێزانينێن ئێك ژ گۆمانكريێن كريارا پاريس
حەمید موراد یێ ١٨ سالی خوە رادەستی پولیسێن فرەنسی کر ، کو ئەو ئێک ژ ٣ کەسێن گومانلێکری بوون د ھێرشا ل سەر رۆژناما (شارلی اێبدو) ل پاریس و د ئەنجام دا ١٢ کەس ھاتنە کوشتن و ١١ کەسێن دی ژی بریندار بوون.
ھەر دو کەسێن دی ژی ھێشتا نەھاتنە گرتن، کو ھەر دو ژی برایێت ئێکن ب ناڤێ (سعید کواشی ٣٤ سال- شەریف کواشی ٣٢ سال) ھەر دو ژی ل پاریس ژ دایک بوونە و ھەلگرێن رەگەزناما فرەنسینە. ھەر وەسا ژێدەرکی نێزیک ژ ڤەکولینا ل دور بوویەری دایە خویاکرن کو گەلەک کەس یین نێزیکی ھەر دو برایان ھاتنە گرتن.
ھەر وەسا پولیسێن فرەنسی ئاگەھداریەک د گەل وێنەیێ ھەر دوو برایان بەلاڤ کریە ل سەر مالپەرێ خوە و خەلک ھشیار کرینە کو دبیت ھەر دو چەکدار بن و ھەر دەما ئەو دیتن پەیوەندیێ ب وان بکەن.
