وێنه: جێنيفێر لۆرانس زه‌لامه‌كێ مومل دڤێت
ئه‌ڤرۆ نيوز:
ستێرا شوخا ئه‌مريكى يا ناڤدار جێنيفێر لۆرانس د ديداره‌كێ دا بۆ كۆڤارا ڤانيتى ڤێير يا ئه‌مريكى ساخله‌تێن هه‌ڤژينێ خوه يێ پاشه‌رۆژێ دانه دياركرن كو دڤێت وه‌كو هه‌ڤال خۆشيێ ل گه‌ل ببه‌ت، ئه‌ڤ ساخله‌ته ژى دبيت ب ساناهى بن بۆ ستێره‌كى كو وه‌كو ياريێن ده‌ستێ زارۆيان بيت.
ستێرا هۆليۆدێ ديار كر كو دڤێت ئه‌و كه‌س به‌رێ خوه بده‌ته به‌رنامێن تله‌ڤزيۆنى و يێ مومل بيت و حه‌ز ژ خوارنێ بكه‌ت و چيردرێژيێ نه‌كه‌ت.
هه‌لگرا خه‌لاتێ ئۆسكار بۆ كۆڤارا ئه‌مريكى گۆت: “گه‌له‌ك ته‌ماشه‌ى تله‌ڤزيۆنێ دكه‌م و دخوازم يێ شوو پێ دكه‌م ل گه‌ل من ب روونيته خوار و ته‌ماشه‌ى به‌رنامان بكه‌ت”.
زێده‌تر گۆت: “ئه‌ز ل ئێكێ مومل دگه‌ريێم زێده‌تر ژ ئێكێ رومانسى، مانه يێ مومل باشتره ژ يێ رۆمانسى؟ ئه‌ز ل ئێكى دگه‌ريێم تۆره نه‌بيت ده‌ما ژ كه‌ربان دێمێ من پێڤه د په‌قيت زێده‌تر ژ ئێكێ رۆمانسى و يێ هه‌ست و سۆزا بده‌ته من و گه‌له‌ك حه‌ز ژ من بكه‌ت”.
دا زانين ژى كو كه‌سانێن وه‌سان په‌يوه‌نديه‌كا دلدارى يا ب هێز دروست دكه‌ت ئه‌و ژى دێ ل سه‌ر شێوازێ خوه يێ تايبه‌ت بيت و مرۆڤ ژى هه‌ر وه‌سان.
ئاماژه ب وێ چه‌ندێ ژى كريه كو ئه‌و كه‌سێ وێ دڤێت هه‌لبژێريت دڤێت حه‌ز ژ خوارنێ ژى بكه‌ت، ژبلى خوارنا رۆبيانا چونكو ئه‌و حه‌ز ژ خوارنا وان ناكه‌ت.
ل دووماهيێ ژى دبێژيت شاهێ خه‌ونێن من دڤێت حه‌ز ژ چيرچيرێ ژى نه‌كه‌ت.
