وەزارەتا دارایی پارا نادەتە حزبان
ئه‌ڤرۆ:
وەزارەتا دارایی و ئابووری ل ھەرێما کوردستانێ راگەھاند، ھەتا بارودۆخێ ئابووری یێ ھەرێما کوردستانێ ژ لایێ دارایی ڤە ئاسایی نەبیتەڤە، پارە بۆ چو حزبان ناھێنە دان.
دلێر تارق پەیڤدارێ وەزارەتا دارایی و ئابووری بۆ رووداو گوت”ل سالا ٢٠١٤ ژ بەر قەیرانا دارایی ل ھەرێما کوردستانێ، پارە بۆ چو حزبەکا کوردستانی نەھاتنە دان، ئەڤ سالە ژی ھندی قەیرانا دارایی یا بەردەوامبیت، پارە ناھێنە دان بۆ حزبان”.
گوتژی” پشتی پەسەندکرنا بودجا سالا ٢٠١٥ یا ھەرێما کوردستانێ و باشبوونا بارێ دارایی، وی دەمێ وەزارەتا دارایی ب ھەڤکاریا جڤاتا وەزیران دێ بریارەکێ ل دۆر دانا پارەی بۆ حزبان دەرکەت، بەرۆڤاژی ھندی قەیرانا دارایی ھەبیت، پارە بۆ وان ناھێنە دان”.
