وەزارەتا ساخلەمیا هه‌رێمێ ب هوورى چاڤدێریا به‌رهه‌مئینانا ڤاكسینێ دژى كۆرۆنایێ دكه‌ت
ئەڤرۆ نیوز:
په‌یڤدارێ وه‌زاره‌تا ساخله‌مى یا هه‌رێما كوردستانێ دیاركر، پشكا هه‌رێما كوردستانێ د گرێبه‌ستا عیراقێ دا هه‌یه بۆ كرینا ڤاكسینێ دژى كۆرۆنایێ.
د. ئاسو حه‌وێزى، په‌یڤدارێ وه‌زاره‌تا ساخله‌میێ راگه‌هاند، به‌لاڤه‌كرنا ڤاكسینێ دژى كۆرۆنایێ دێ ب چه‌ند قۆناغان بیت، ل ده‌ستپێكێ دێ لسه‌ر كه‌سێن خودان نه‌خوشیێن دۆمدریژ و تووشبوویێن كورۆنایێ هێته تاقیكرن، پاشان ل قۆناغا دووماهیێ دێ كه‌ڤیته بازارى و ب گرێبه‌ست هێته فرۆتن، هه‌ر گرێبه‌سته‌كا ئیراق بۆ كرینا ڤاكسینى ئیمزا بكه‌ت، دێ به‌هرا هه‌رێما كوردستانێ تێدا هه‌بیت.
د. ئاسو حه‌وێزى گۆت ژى: حكومه‌تا ئیراقێ نیازا كرینا ڤاكسینێ كۆرۆنایێ هه‌یه، ب تایبه‌تێ ئه‌و ڤاكسینێن ل قۆناغێن دوماهیێ یێن تاقیكرنێ نه و ده‌رچووین، لێ ل وێ باوه‌رێ نینن ئه‌ڤساله ڤاكسین بگه‌هیته هه‌رێما كوردستانێ و ئیراقێ.
