وەزارەتا ساخلەمیێ ئاگەهداریەکێ ئاراستەی هەموو رێڤەبەریێن گشتی یێن ساخلەمیێ ل هەرێمێ دکەت
ئەڤرۆ نیوز:
وەزیرێ تەندروستی حكومەتا هەرێما كوردستانێ راگەهاند: نابێت چەندجورێن پشكنینا بهێنە کرن ل نەخوشخانە و تاقیگەهێن تایبەت کو پەیوەندی ب جیناتاڤە هەبیت، بەرۆڤاژی ڤێ چەندێ دێ رووبرووی سزایێن یاسایێن توند بن.
د. سامان بەرزنجی، وەزیرێ ساخلەمیا حكومەتا هەرێما كوردستانێ د نڤیسارەکێ دا ئاڕاستەی رێڤەبەریێن گشتی ( هەولێر، سلێمانی، دهۆك، هەڵەبجە، راپەڕین، گەرمیان و كۆیە) کریە، تێدا هاتیە ” هەوە ئاگەهدار دکەین ب هیچ رەنگەکێ نابیت پشکنینێن( covid-19( )Ag. Or Ab) دگەل (Rapid test) ل نەخۆشخانەیێن تایبەت یان ل تاقیگەهێن تایبەت بهێنەکرن،ژبەرکۆ ئەڤ پشکنینە پەیوەندی ب پشکنین جیناتاڤە هەیە، ئەڤە ژی بابەتەکێ ئاسایشا نەتەوەیی دهێتە هژمارتن.
وەزیرێ ساخلەمیێ ئاماژەکریە: پێدڤەیە ئەڤ پشکنینە تنێ ل تاقیگەهێن سر ب رێڤەبەریێن ساخلەمیا گشتی وەزارەتا ساخلەمیێ بهێنەکرن.
بەرۆڤاژی هەر دەزگەهەکێ نەحکومی ڤان جورە پشکنینا بکەت بێ رەزامەندیا وەزارەتا ساخلەمیێ دێ تووشی سزایێن یاسایێن توند بیت.
