وەزارەتا ساخلەمیێ یا رژدە ل سەر گرتنا جھێن ھاریکارێن نۆشداران
ھەولێر، قائید میرۆ:
بڕیارە کلینیک ئانکو جھێن ھاریکارێن نۆشداران ژلایێ حوکمەتێ ڤە بھێنە گرتن و بەرپرسەکێ سەندیکا کارمەندێن ساخلەمیێ ژی دیارکر، ئەو وەک سەندیکا دگەل ئەڤێ بڕیاری نینن و رازی نابن بڕیارەکا بڤی شێوەی بھێتە بجە ئینان.
ھادی فەریق، پەیڤدارێ سەندیکا کارمەندێن ساخلەمی بۆ رۆژناما ئەڤرۆ گۆت” سەندیکایێ یاداشتەکا نەرازیبوونێ لدۆر گرتنا جھێن ھاریکارێن نۆشداران بلندکریە بۆ سەرۆکایەتیا جڤاتا وەزیران و وەزارەتا ساخلەمی، چونکە ئەم بڕیارێ بجە نائینین و مە وەکی سەندیکا تێبینی لسەر ھەنە، ھەرچەندە جارێ ھاتیە راگرتن، بەلێ وەزارەتا ساخلەمی یا رژدە لسەر بڕیارا خۆ بۆ گرتنا ئەڤان جھێن کارمەندێن ساخلەمی، خۆی بڕیارەک دەرچووە ھژمار پێنج ھزار و ٣٨٠ یا تایبەت ب کارمەندێن ساخلەمی و تێدا ھاتیە جھێن پەیوەندی ب فرۆتنا دەرمانانڤە ھەبیت دڤێت بکەڤنە بن دەستێ وەزارەتێ و نابیت مۆلەتێ ل سەندیکایێ وەربگرن.
ھادی فەریق گۆتژی” پشتی سەرھەلدانێ وەرە کار ب قانوونا ھژمار یازدەیا عێراقی نەھاتیەکرن و ھەر سەندیکایێ وەک ئەرکەکێ پیشەیی مۆھلەت داینە جھێن ھاریکارێن نۆشداران، ژبەرکو ئەڤە کارەکێ پیشەیە و کلینیکێن نۆشداران و دەرمانخانە ژی مۆلەتێ ژ سەندیکا خۆ وەر دگرن نەک وەزارەتا ساخلەمیێ.
