سه‌ره‌كى Email وەزارەتا كارەبێ: كاراكرنا پیڤەرێن زیرەك بۆ زێده‌كرنا دەمژمێرێن كاره‌بێیه بۆ وه‌لاتیان
وەزارەتا كارەبێ: كاراكرنا پیڤەرێن زیرەك بۆ زێده‌كرنا دەمژمێرێن كاره‌بێیه بۆ وه‌لاتیان
ئەڤرۆ نیوز:
وەزارەتا كارەبا حكومه‌تا هه‌رێما كوردستانێ راگه‌هاند: ئه‌و دێ پیڤەرێن كارەبێ كاراكه‌ن و ئارمانجا وان ژ ڤێ پێنگاڤێ زێدەكرنا دەمژمێرێن كارەبێیە بۆ وه‌لاتیێن هه‌رێمێ.
پەیڤدارێ وەزارەتا كارەبێ یا حكومەتا هەرێما كوردستانێ راگەهاند: هەتا نوكە وان پتر ژ 400 هزار پیڤەرێن زیرەك یێن كارەبێ داناینه.
ئومێد ئەحمەد زێده‌تر گۆت: ملیۆنەك و شه‌ش سه‌د هەڤپشكێن كارەبێ ل هەرێما كوردستانێ هەنە و هەتا نوكە پتر ژ 400 هزار پیڤەرێن زیره‌ك هاتینە دانان و پرۆسا دانانا پیڤەرێن كارەبێ ل هەرێمێ یا بەردەوامە.
ناڤهاتى دیار كر ژی: ژ بۆ سڤككرنا بارگرانیێ ل سەر هەڤپشكان و زێدەكرنا سەعەتێن كارەبێ بۆ وه‌لاتیان، دەست ب كاركرن و دانانا پیڤەرێن كارەبێ بۆ مالان هاتییە كرن و نوكە كار ب وان پیڤەران دهێتە كرن.