وەزارەتا چاندنا عیراقێ: ئەڤ سالە مە رێژەکا مەزن یا گەنمی وەرگرتیە
ئەڤرۆ نیوز:
حەمید نائیف پەیڤدارێ وەزارتا چاندنا عیراقێ دیار کر: سەرەرای كێمیا بارانان ل وەرزێن چاندنێ و هەبوونا چەندین روودانێن ئاگر بەربوونێ، هەتا نوكە وەزارەتا بازرگانیا عیراقێ 500 هزار تەنێن گەنمێ جوتیاران زێدەتر ژ پێدڤیا ناڤخۆیی وەرگرتیە.
حەمید نایف گوت: دئەڤ ساڵەدا زێدەباری 5 ملیون تەنێن گەنمی، وەزارەتا بازرگانی 550 هزار تەنێن جەهی و 400 هزار تەنێن توڤێ پلە ئێك یێ گەنمی بۆ چاندنێ وەرگرتینە و ب وێ چەندێ عیراقێ پێدڤیا ناڤخۆیی ژ گەنمی و جەهی و تۆڤێ چاندنێ مسوگەر كریە.
ناڤهاتی گۆت ژی: سالانە عیراقێ پێدڤی ب چار ملیون و 500 هزار تەنێن گەنمی هەیە بۆ دابینكرنا ئاری و بەرهەمێن دی یێن خوارنێ.
