وەزیرێ بەرگریا ئەمریکا داخوازه‌كێ ژ تورکیا دکەت
ئەڤرۆ نیوز،زنار تۆڤی:
وەزیرێ بەرگریا ئەمریکا دبێژیت:پێدڤیە تورکیا سنورێن خوە دگەل سوریا و عێراقێ باشتر کۆنترول بکەت،وەک پرەنسیپ تورکیا رازی بوویە کو پشکداریێ د هێرشێن ئەسمانی یێ هەڤپەیمانان ل دژی داعش ئەنجام بدەت،لەورا پێدڤیە ئەو بەشداریێ بکەت.
ئاشتۆن کارتەر وەزیرێ بەرکریا ئەمریکا د کونگرەکێ رۆژنامەڤانی دا ل ڤرجینیا دیارکر:ئەمریکا و هەڤپەیمانێن وێ دڤێن تورکیا رۆلەکێ زێدەتر ل شەرێ دژی داعشێ بگێریت،ب رەنگەکێ وەک جیرانەکێ وان ناڤچەیا ئالۆز کو نوکە ل رۆژهەلاتا ناڤەراست هەیە،پێدڤیە سنۆرێن خوە کۆنترول بکەت.
هەروەسا گۆت ژی:ئەو سنۆرێ درێژێ تورکیا دگەل عێراق و سوریێ هەیی،بوویە ژێدەرەک بۆ ڤەگۆهاستنا هاریکاریێن لۆجستی و چوونا چەکدارێن بیانی بۆ ناڤا داعشێ،ژبەر هندێ کۆنترولکرنا وی سنۆری رۆلەکێ کاریگەرە بۆ ژناڤبرنا داعشێ.
