وەلاتیەک دەرچوویێن ئێکێ یێن 12 ئامادەیی خەلات دکەت
ئامێدیێ، مەحمود نھێلی:
ب ئامادەبوونا کەس و کارێن قوتابیان و ھەژمارەکا زۆرا بەرپرسێن میری ل دڤەرێ پروفیسور سەلاح حەجی ئەمین وەک ئەرکەکی نەتەوەیی و نیشتیمان پەروەری و رابوویە ب خەلاتکرنا 10 قوتابیێن ئێکێ ل سنورێ پەروەردا قەزا ئامێدیێ ل دەمژمێر 10 سپێدەھیا رۆژا چوار شەمبی 12\11\2014.
ناسر موحەمەد سەعید رێڤەبەرێ پەروەردا قەزا ئامێدیێ بۆ ئەڤرۆ دیارکر، کو جھێ شانازیێ بۆ وان وەک پەروەردە ، وەلاتیەکی خەلکێ دەڤەرێ ب ڤی کارێ پیروز رابوویە و جھێ دەست خوشیێ یە و گۆت: ( ئەڤ خەلاتکرنە د رێ و رەسمەکی دا ل ئاڤاھیێ پەروەردا ئامێدیێ ب رێڤە چوو و تێدا ژبلی خەلاتکرنا ڤان ١٠ قوتابیان ژ لایێ پروفیسور سەلاح حەجی ئەمین خەلاتێن قایمقامیێ و پەروەردێ و ھەروەسا یێن پەیمانگەھێ ژی ب ڤان قوتابیان ھاتنە بەخشین).
ناڤبری ئەو یەک ژی دیارکر، کو دڤی رێ و رەسمی دا کەس و کارێن ڤان قوتابیان بەرھەڤ بوون و خوەشحالیا خوە دەربری ل سەر ڤی کارێ پیرۆز و ئاشکرا کر، کو ئەڤ 10 قوتابیێن ھاتینە خەلاتکرن دەرچویێن ئێکێ یێن پولا 12 ئامادەیی بوون ل سنورێ پەروەردا قەزا ئامیێ و تەکەز کر کو ئەڤ کارێن ب ڤی رەنگی دێ بنە ئەگەرێ پێشخستنا ئاستێ زانین و پەروەردێ ل دەڤەرێ و دێ بیتە ھاندەرەک بۆ قوتابیێن دیتر پتر خوە ماندی بکەن ژ پێخەمەت ب دەست ڤە ئینانا پلێن بلند و ھیڤی ژی خوەستن کەسانێن وەکوو پروفیسوری گەلەک بن.
