١٠ هایکۆ
شەمال ئاکرەیی
دەمێ چیاییەک..
ب بێدەنگی دپەیڤیت،
سەنگینتر دبیت.
****
ئەڤ ئەلهۆیێن مت..
نە دبێ دەڤ و ئەزمانن،
لێ شەرمێ ژ ناڤێ خۆ دکەن.
***
دەمێ خەونێن زیز..
هەر بمینن چاڤەڕێ،
جەستەی ڤەدچڕن.
***
دوورکەفتنا تە..
هزران ل هنداڤی تە،
دکەتە رێڤینگ.
***
ئەز ئەڤ عەڤدالە..
ل ڤێ ژوورا پڕ ژ تە،
نە یێ ب تنێ مە.
***
ئەڤ رۆندکێن من..
ژ یێن موومێ گەرمترن،
ژ سۆتنا منن.
***
ل خەریبییێ..
هاتنێ مان گرتبوو،
دەرگەهــ ل تاق بوو.
***
تاکەکێ هشک..
ل ژڤانێ بوهارێ،
ما و بێزار نەبوو!
***
پشتی بارانێ..
ئەسمان روخسارێ خۆ دشووت،
ب کەسکەسۆری.
***
ئەڤ بەفرا بێدەنگ..
شۆپێن ئەڤان گورگێن گەور،
نەشێت ڤەشێریت.
