١١ کەس ژ ئەنجامێ تەقینەکێ ل مووسل بوونە قوربانی
ئەڤرۆ نیوز، نەوزاد ھلۆری:
دەمەکێ کێم بەری نوکە ژ ئەنجامێ تەقینەکێ ل باشووێ موسل ١١ کەس بوونە قوربانی کو پرانیا وان قوتابی بوون، ھژمارا قوربانیێن تەقین و کوشتنێ ژلایێ چەکدارێن داعش ڤە ل مووسل و دەروبەرێن وێ د زێدەبوونێ دایە.
خالد جەبار، رێڤەبەرێ ناحیا شورە دیار کر کو ژ ئەنجامێ تەقینەکا چاندی یا چەکدارێن داعش ١١ کەس ل باشوورێ مووسل بوونە قوربانی کو ئەو ژی چار ژوان گیانێ خوە ژ دەست دان و حەفتێن دی ژی برینداربوون کو پرانیا وان ژی قوتابی بوون.
زێدەتر گۆت: “تەقین د دەمەکێ دا دروست بوویە کو ھژمارەکا قوتابیان ب ترومبێلەکا ژ جورێ پیکئاب دچوونە قوتابخانا خوە ل گوندێ زولحە ل باشوورێ مووسل و د ئەنجام دا دکەڤیتە سەر بومبەکا چاندی یا داعشێ، ژ ئەگەرێ نەبوونا بنگەھێ ساخلەمیێ ل ناحیا شورە، ب نەچاری بریندارێن روودانێ ھەموو بو نەخوشخانا تەنگاڤیان ل حەمام عەلیل ھاتینە روانەکرن”.
