١٣ ئەگەر ھەبوون ریال مەدرید ل یاریا بەرامبەر فولفسبورگ خوسارەت بووی

ئەڤرۆ نیوز:
خوسارەتیا ریال مەدرید ل گەل فولفسبورگ ب دو گولان بێ بەرامبەر دبیت بیتە ئەگەرێ دورخستنا ریال مەدرید ژ قارەمانیێ ھەکە ھاتو ل یاریا بھێت نەشیا ب جوداھیا دو گولان سەرکەفتنێ ل سەر یانا ئەلمانی توماربکەت و یانا مەلەکی وەرزێ خوە یێ ئەڤ سالە دەستڤالە ب دووماھی بینت و ئەڤ چەندە بیتە ئەگەرێ نەمانا راھێنەرێ وێ زێدان و ستێرا وێ رونالدو.
خوسارەتیا شڤێدی ژ ١٣ ئەگەرێن خوە ھەبوون

ئەگەرێ ئێکێ ماندیبوونەکا مەزن ل دەڤ یاریکەرێن ریال مەدرید ھەبوون ژبەر یاریا کلاسیکو

ھەردیسان ئەو کیفخوشحالیا زێدە و غرور بوونا زێدە یا یاریکەرێن ریال مەدرید پشتی سەرکەفتنا یاریا کلاسیکو شیان خوسارەتیا ئێکێ ب گەھینە بەرشەلۆنا پشتی زێدەتر ژ سالەکێ ئەو ژی ئێک ژ ئەگەرێن خوسارەتیا شڤێدی بوو

ھنگافتنا کەریم بن زیما ل نیڤا ئێکێ ل دقیقا ٤١ ئەوێ چەندێ ژی کارتێکرنا خوە ھەبوو

ئەگەرێ چارێ رونالدو نە ل ئاستێ خوە یێ پێدڤی بوو کو پشتی دورخستنا کەریم بن زیمای ریال مەدرید پشت بەستن بتنێ ل سەر وی کر ل ھێلا ھێرشبەریێ

ئەگەرێ پێنجێ: راھێنەرێ ریال مەدرید یێ سەرکەفتی نەبوو د شێوەیێ کرنا یاریا خوە دا تایبەت پشتی یانا فولفوسبورگ ب دو گولان زیکا پێشکەفتی زێدان نەشیا چو گوھورینا د شێوەیێ یاریێ دا بکەت و نەبوونا شارازیەکا باش د قارەمانیا یانێن ئورۆپا دا یا راھێنەرێ ریال زێدان ھەر چەندە یانا فولفوسبورگ جارا ئێکێ یە گەھشتی یە ڤێ قوناغێ لێ دبیتە جارا ئێکێ ژێ بۆ زێدان وەکو راھێنەر ل ڤێ قوناغێ یاریێ بکەت

شەشێ : لوکا مودریتش ئەوێ دھێتە بەرنیاسین مایسترویێ ھێلا ناڤینا ریال مەردید نە ل ئاستێ خوە یێ پێدڤی بوو ئاستێ وی دڤێ یاریێ دا ھەتارادەکێ مەزن یێ لاواز بوو ھەر ژ بەر لاوازبوونا ئاستێ وی دڤێ یاریێ دا زێدان ل نیڤا دوێ ئەو گوھوری

ئەگەرێ حەفتی: پشکداریا دانیلوی وەکو یاریکەرەکێ سەرەکی کو یاریکەرێ ئێکانە بوو د وی پێکھاتیێ یاریا کلاسیکو دا نەبوو

ئەگەرێ ھەشتێ: دورخستنا دانی کارباخال د پێکھاتیێ سەرەکی یێ ڤێ یاریێ دا ھەر چەندە د زوربەیا یاریێن ئەڤ سالە دا د قارەمانیا یانێن ئورۆپا دا وەکو یاریکەرەکێ سەرەکی یاری نەکری یە لێ شیابوو ئاستێ بلند پێشکێش بکەت ل یاریا کلاسیکو دا

ئەگەرێ نەھێ: پاشڤەزفرینا ئاستەکێ نەچاڤەرێکری د یاریێن دەرڤەی یاریگەھا خوە دا ل وەرزێ ئەڤ سالە یێن یانا ریال مەدرید چو ل کاسا ئیسپانیا یان خولا لیگا یان قارەمانیا یانێن ئورۆپا کو د زوربەیا یاریێن ئەڤ سالە دا ل دەرڤەی یاریگەھا خوە نە یا سەرکەفتی یە ل دیڤ ئەو ئاماریێن ھاتینە تومارکرن یێن وەرزێ ئەڤ سالە

دەھـ: بەرزەکرنا وێ دەلیڤەیا ب سانەھی یا کریستیانو رونالدوی ل دەستپێکا نیڤا دوێ کو دبیت ب تومارکرنا وێ گولێ ریال مەدرید دەلیڤەیا باشتر ھەبا ئەنجامێ یاریێ ب گوھوریت

یازدە: بۆ سەروکێ یانا مەلەکی فلورنتینو پێریز ڤەگەریت بۆ گوھورینێت بەردەوام ل راھێنەر و یاریکەرێن یانا ریال مەدرید دا ل ماوێ بوری

دوازدە: پشت گوھاڤێتنا ستێرا کولومپی خمێس رودرێگیز ھەر چەندە شیانێن باش ھەنە و نوکە یێ داخوازکریە ژلایێ چەندین یانێن بەرنیاس ل ئورۆپا و ریال مەدرید بازارێ فروتنا وی رۆژ بو رۆژێ گەرمتر لێ دکەت

ئەگەرێ دووماھیێ و ١٣ : سڤکاتی کرن ژلایێ یانا ریال مەدرید ڤە بەرامبەر یانا فولفسبورگ کو وەسا ھاتە پێشبینی کرن ریال مەدرید ب سانەھی دێ سەرکەفتنێ تومارکەت

ئەگەر زێدان ل یاریا بھێت دا نەشیا سەرکەفتنێ توماربکەت و دەربازی قوناغا بھێت بیت دبیت بیتە ئەگەرێ دورخستنا زێدان ژبەرکو ریال مەدرید دێ وەرزێ خوە دەست ڤالە ژ ناسناڤا ب دووماھی ئینت ئەڤ چەندە ژی دیارە پێشبینی کریە پێرێز سەروکێ ریال مەدرید ئەڤێ چەندێ قەبوول ناکەت

دەرکەفتنا ریال مەدرید ل قارەمانیا یانێن ئورۆپا دێ بیتە ئەگەرەکێ مەزن رونالدو یانا مەلەکی ب جھـ بھێلت ژبەرکو ئەو دخوازیت بچیتە یانەکێ ھەڤرکی ل سەر ناسناڤا بکەت و بەردەوامی ب دەتە ھەڤرکیا باشترینێ جیھانێ و تەپا زێری

کۆمێنتا تە