٤١٠ خێزانێن ئاوارە دێ ڤەگەڕنە شنگالێ
دهۆك، لەزگین جۆقی:
ڕێڤەبەرێ كۆچ و كۆچبەران و بەرسڤدانا قەیرانان ل پارێزگەها دهۆكێ دیاركر كو ب هەڤكاری ل گەل ڕێڤەبەرییا كۆچ و كۆچبەران، ڕێكخراوا (IOM) یا كۆچا نێڤدەولەتی دێ ناڤێن 410 خێزانێن ئاوارە ژ كەمپان بەتە شنگالێ.
پیر دەیان، ڕێڤەبەرێ كۆچ و كۆچبەران و بەرسڤدانا قەیرانان ل پارێزگەها دهۆكێ بۆ ئەڤرۆ گۆت: «ناڤێن 410 خێزانێن ئاوارەیێن شنگالێ ل كەمپان دێ هێنە تۆماركرن، كو ب ڤەگەڕنە شنگالێ، پرۆسێسا تۆماركرنا ناڤان هەتا مەها 12 یا ئەڤ سالە دێ یا بەردەوام بیت».
گۆت ژی: «هەر خێزانەكا ئاوارە یا ئازادە بڤێت ڤەگەڕتە شنگالێ، چو خێزان ب زۆری ناهێنە ڤەگەڕاندن، ئەو خێزانێن ڤەدگەڕنە شنگالێ، هەر ئێك دێ ملیۆنەك و 500 هزار دیناران وەرگریت».
