٥٠% ژ خەلكی مریشكێن زندی دخون
هەرهین محەمەد:
كڕینا مریشكێن زیندی و سەرژێكرنا وان ل بەرچاڤێن كڕیاری بوویە نەریتەكێ ڕۆژانە، بەلێ ئەرێ مە چ جاران هزرا وێ چەندێ كریە كا ل پشت ڤی دیمەنی چ مەترسیێن ڤەشارتی یێن ساخلەمی و ژینگەیی هەنە؟ ئەو مریشكێن ل سەر جادە و كۆلانان دهێنە فرۆتن، بێی كو چ پشكنینێن پزیشكی بۆ بهێنەكرن، دبنە ئەگەرێ گەفەكا جدی بۆ سەر ژیانا مرۆڤی و پاقژیا ژینگەهێ.
ئەندازیار هەیسەم یەحیا بسپور د وارێ پەلەوەر و سامانێ ئاژەلی دا گۆت: جهێن سەربڕینا مریشكان ب شێوەكێ بێ سەروبەر ل هەموو جهان یێن هەین و مولەت ژی ب وان هاتیە دان ژلایێ حكومەتێ ڤە، بەلێ دڤێت دووڤچوونەك بۆ بهێتەكرن، چونكو ئەڤە یا بوویە نەریتەك و یا ئامادەیە دناڤ خەلكێ مەدا و هەر ناوچەیەكێ نەریتێ خۆ یێ هەی، ئانكو ئەڤ چەندە ژی ژی یا بوویە نەریتەكێ نوو و ناهێتە راكرن، مە ڕێنما هەنە، بەلێ دكەڤنن و ئاریشەیا ژ هەموویان مەزنتر، ئەڤ مریشكێن ل سەربرخانێ نەهێنە وەرگرتن، ئەو فروشیارە بخۆ دئینن، ئانكو بێ كو نوشدارێ ڤێترنەری ل سەر ئەڤی كاری بگەڕیت و یا گرنگ ئەوە جارجارا سەرەدانا وان جهان بهێتەكرن و نمونەیان ژ ئەوان مریشكان بینن و پشكنین بكەن.
زێدەتر گۆت: چ چاڤدێری ل سەر ڤێ چەندێ نینە و ل نك خەلكێ مە وەكو نەریتەكی لێ هاتیە مریشكێن پەر پەر نەبن ناخۆن، ئانكو خەلكێ مە ٥٠٪ مریشكێن ب پەر دخۆن و ٥٠٪مریشكێن بەفرگرتی دكڕن.
ئەندازیار هەیسەمی گۆت ژی: دوو پلەیێن گەرمێ هەنە پشتی سەر بڕینا مریشكان، ئەو ژی یا دەمكی و یا دی هەمیشەیی، یا هەمیشەیی ئەوە دەمێ مرۆڤ بخۆ مریشكێ ب هەلگریت دڤێت ژێر سفر 18 بیت و یا دی سفر هەتا چار ئەڤە بۆ دەمەكێ كورت و چەند ڕۆژان بخۆ بكار بینیت.
گۆت ژی: ئەڤ جهێن نەدروست بوو سەرژێكرنا پەلەوەران سێ جورێن نەخوشتان دروستكەت وەكو ڤایروس و بەكتریا و فتری و یا ژ هەموویان خرابتر پەرسیڤا بالندا و غرب نیل و ئەڤە گەلەك ب مەترسی نە و یێن بەكتری ژی وەكو سالمونێلا و نەخوشیا بالندا وجمر خبیسە و یێن فتری ژی وەكو مقوسات و نوشجات و ئەڤەژی گەلەك ب مەترسی نە دناڤبەرا مرۆڤی و پەلەوەران و پكابا باژێڕڤانیێ ژی بۆ وان كەسان یێن كو ڤان كاران دكەن دڤێت كرێكارێن وان هەر شەش هەیڤان جارەكێ پشكنینان بكەن یێن تاقیگەهی كا چ نەخوشی نەگرتینە.
