٦٨٨ ملیون دولار دێ ل ھەلبژارتیێن موندیالێ ھێنە مەزاختن
ئەڤرۆ،ھەژار :
ئێکەتیا تەپا پێ یا فیفا نیڤدەولی کوژمێ ئەو پارەی بۆ ھەلبژارتیێن پشکدار ئاشکراکر ھەردیسان بوو ھەر قوناغەکێ و خودانێن رێزێن ئێکێ ھەتا چارێ ل موندیالێ ئاشکراکرن .
ئێکەتیا فیفا بۆ قارەمانیا ئەڤ سالە کوژمێ پارەی بۆ ھەلبژارتیێن پشکدار ھەتا رادەکی زێدەتر لێ کرینە ژ موندیالا ٢٠١٤ کو سەرجەمێ گشتی ئێکەتیا نیڤدەولی یا فیفا کوژمێ ٦٨٨ ملیون دولاران بتنێ بوو خەلاتکرنا ھەلبژارتیان تەرخانکرینە کو ئەو پارە دێ ل سەر ھەلبژارتیێن پشکدار ھێتە بەلاڤەکرن ئەوژی ل قوناغا یا کومان ٢٥٦ ملیون دولار دێ ل سەر ھەلبژارتیێن پشکدار ھێنە بەلاڤەکرن کو ھەر ھەلبژارتیەکێ پشکداری موندیالێ بووی دێ کوژمێ ھەشت ملیون دولاران وەرگریت ھەردیسان ھەر ھەلبژارتیێ ب گەھیتە قوناغا ١٦ ئێکەتیا فیفا دێ کوژمێ ١٢ ملیون دولاران پێشکێش کەت کو سەرجەمێ گشتی ١٩٢ ملیون دێ ل ئەوان شازدە ھەلبژارتیان ھێنە مەزاختن ، ھەر ھەلبژارتیێ ب گەھیتە قوناغا ھەشتێ ب کوژمێ ١٦ ملیون دولاران دێ ژلایێ فیفا ھێنە خەلاتکرن کو سەرجەمێ گشتی یێ ھەشت ھەلبژارتیان دێ بنە ١٢٨ .
ئێکەتیا فیفا بوو قوناغا چارێ کوژمەکێ مەزن بۆ چار ھەلبژارتیان تەرخانکریە ئەوژی خودانا رێزا ئێکێ دێ ب کوژمێ ٣٨ ملیون دولاران ھێتە خەلاتکرن و خودانا رێزا دوێ ٢٨ ملیون دولاران و رێزا سیێ ٢٤ ملیون و رێزا چارێ ب ٢٢ ملیون دولاران کو سەرجەمێ گشتی ١١٢ ملیون بۆ ھەر چار ھەلبژارتیێن پێشیی کو ژبلی ڤی کوژمی چەندین خەلاتێن دی یێن بھا گرنگ بوو یاریزانان ھەیە.