٧٠% ژ تووشبوویێن ئەلبۆیلا گیانێ خوە ژدەستداینە
رێکخراوا ساخلەمیا جیھانی مەترسیا ڤایرۆسێ ئەلبۆیلا ئاشکەرا کر و دا زانین کو ٧٠% ژ تووشبوویێن ڤێ نەخۆشیێ ل رۆژئاڤایێ ئەفریقیا گیانێ خوە ژ دەست دایە.
ئەڤ رێکخراوا نێڤدەولەتی مەترسیا وێ چەندێ ددەتە زانین کو ھەکە رادەکێ کارا بۆ ڤێ نەخۆشیێ نەھێتە دانان، دبیت ھەتا ھەیڤا ١١ سێ جاران ھندێ نوکە تووشبووی ھەبن کو رێژا وان بگەھیتە ٢٠ ھزار کەسان.
سەرژمێریێن ئەمریکی ژی وێ چەندێ ددەنە زانین کو ھەتا وی ماوەی ئەو پێش بینی دکەن رێژا تووشبوویان ل دو وەلاتان بگەھیتە ١.٤ ملیۆن کەسان ئەڤە رێژا خوە یا گەلەک رەشبینی ڤە و شارەزا ژی دیار دکەن کو راپۆرتێن ئەمریکی رەشبینیەک یا ب خوە ڤە دیتی.
ھەتا نوکە ٣٠٠٠ کەس ب ڤێ نەخۆشیێ مرینە کو پتریا وان ل سیرالیۆن و لیبریا و گینیا بووینە و رێکخراوان نێڤدەولەتی ددەتە زانین کو ل ناجیریا و سنیگال ئەڤ ڤایرۆسە ھەتا رادەکی یێ ل ژێر کۆنترۆلا وان.
بەرھەڤکرن، نیوار محەمەد سەلیم:
