٩٠% ژنان ئاریشا ھەودانێن مالبچووکی يا هه‌ى
ئه‌ڤرۆنيوز:
نوشداره‌كێ تایبەمەندێ نوژداریا خێزانێ دیارکر پەیدابوونا ھەودانا (التھاب) ژئەگەرێ بەکتریا و ڤایروسی یان مشەخورانە ،دبنە ئەگەرێ پەیدابونا نەخوه‌شیان،ھەروەسا دازانین دەما تا ل جەم ژنێ یان کچێ پەیدابوون و ھەست ب گرانبوونا لەشی کر یان ماسولکێن وێ دئێشان، ئێک ژڤان حالەتان دیاربو پێدڤیە چارەسەریا خوە بکەت داکو پاشمایکێن ھەودانێ ل جەم وێ زێدە نەبن.
.نورەدین عه‌بدولا، نوشدارێ تایبەمەندێ نوژداریا خێزانێ بۆ (نوش نيوز) گۆت” دو سیستەم یێن ھەین دلاشی دا سیستەمێ دەست ئاڤا زراڤ و سیستەمێ زاوزێ یان زارۆبونێ ژبەرکو ھەردو دەرێن وان نێزیکی ئێکن ، لەورا گەلەک جاران ھەودانێن وان پێکڤە پەیدا دبن ، لێ پێدڤیە ئەم جوداهيێ بێخینێ ، وگوت: چونکى نيشانێن ھەر ئێک ژوان دجودانە ،گەلەک جاران کچەک دێ ھێت و گازندا ژ ئێشانا بنێ زکێ خوە کەت ،ل ڤێرە پێدڤیە ئەم پرسیار بکەین ئایا دەست ئاڤا زراڤ رەنگێ وێ ھاتیە گوھۆرین؟ ئایا سوتن و خوریان ھەیە؟ دیسا دگەل ئێشانا بنی زکی تەنشتێن تە دئێشن ،ھەکە ئەڤە ھەموو بەرسڤ بوونە پۆزەتێف ،دێ پتر ھزر ل بوریێن دەست ئاڤا زراڤ کەین ،لێ ھەکە تەنشت نەئێشن و ئاڤەکێ دبینيت یان نە ، ل ڤێرە دڤێت بھێتە زانین چونکى ئاڤێن سروشتی و نەیێن سروشتی يێن هه‌ين ،ھەکە رەنگێ ئاڤێ یێ زەلال بوو، یان یێ نیسەک بوو وەکو سپیلکا ھێکێ دیسان ھەکە یا زەر و وه‌كو زەیتێ یازەلال بوو، ئەڤە دنورمالن ،لێ ھەکە ئاڤا سپی وه‌كو شیری بیت یان فرتی فرتی بیت وەکو کلینسێ بیت ، ئەو رامانێ ددەت ئەڤە فتریاتن ودبیتە ئەگەرێ خوریان و سوتنێ و بێھنێن نەخوه‌ش، ژبیرنەکەین ھەکە ئاڤ زەرەکێ تیر بوو ئەڤە پتر یا گرێدای ھەودانێن بەکتریایێ ڤە” .
خویاکرژى” ھەودانێن زارۆکینیێ ھەکە چارەسەری بۆ نەھاتەکرن و پشتی ھینگێ ژیانا ھەڤژینیێ پێکئینان دبیتە ئەگەر ڤێ ژنێ ھەودانێن بەردەوام و دومدرێژ ھەبن، گەلەک جاران ژن و مێر دێ ھێن زارۆ نینن ، ئێک ژ دووڤچوونێن ئه‌نجام دده‌ين بۆ ژنێ تیشکا رەنگاو رەنگه ،کا بوریێن مالبچووکی دڤەکرینە یان نە، سه‌حدكه‌ين دکەین ھەردو بوریێن وێ كا گرتی نە ، ئەگەرێ وێ ھەودانێن زارۆکینیێ نە کو ژێھەل بۆ مالبچووکێ چووینە ،گەھشتینە ھەردو بوریان وھاتینە گرتن ل ڤێرە ژن ژ زارۆکبوونا سروشتی بێ ھیڤی دبیت”..
دیارکر” بەردەوام بوونا ھەودانێن دومدرێژ ل دەڤ ژنێ پێدڤیە ئاڤا زەلامی بھێتە تاقیکرن ،کا زەلامی ژی ھەودان ھەنە یان نە،، چونکى نابیت تنێ ژن چارەسەریێ وەرگریت ،پێدڤیە ھەردو وەرگرن ھەکە ب چارەسەریێ ھەودان نەچوون ، ل وی دەمی پێدڤیە پشکنینا چاندنێ بۆ وان ئاڤ و دەرچوویان بھێتەکرن ل دووڤ وی میکروبێ دچاندنێ دا دەرکەفتی دێ چارەسەری بۆ ھێتەکرن.”.
تایبەتەمەندێ نوژداریا خێزانێ دوپاتکر کو خوه‌پاراستن ژ ھەودانان پێدڤیە جلكێن ناڤخوه‌يى نایلون نەبن و دەمێ دچنە دەست ئاڤێ باش خوه زوھا بکەن تایبەت دەیک نیشا کچێن خوە یێن بچووک بدەن کو باش بھێنە زوھاکرن داکو تووشی ھەودانان نەبن،ھەتا رەگەزێ نێر ژی پێدڤیە خوه زوھا بکەن، چونکىمانا ئاڤێ یان خوھدانێ ل وی جھی و دگەل تاریاتیێ و گەرماتیێ ھوکارن بۆ پەیدابوونا ھەودانان ب تایبەتی یێن مشە خوران و فتریاتا”..
