پارتى سالڤه‌گه‌را دامه‌زراندنا ته‌له‌فزیونا دهۆك پیرۆز دكه‌ت
ئه‌ڤرۆ نيوز:
ده‌زگایێ ره‌وشه‌نبیرى و راگه‌هاندن یێ پارتى دیموكراتى كوردستان ب هه‌لكه‌فتا ده‌ربازبوونا 25 سالان ل سه‌ر دامه‌زراندنا ته‌له‌فزیونا دهۆك، په‌یامه‌كا پیرۆزباهیێ ئاراسته‌ى رێڤه‌به‌ر و هه‌موو كارمه‌ندێن ته‌له‌فزیونێ كریه و د پشكه‌كا په‌یامێ دا هاتیه” ته‌له‌فزیونا دهۆك، ئێكه‌مین كه‌نالێ ته‌له‌فزیونى یێ پارتى دیموكراتى كوردستانه ل پارێزگه‌ها دهۆك كو ل 3/5/1992 وه‌ك كه‌ناله‌كێ ناڤخویى یێ كوردستانى ده‌ست ب په‌خشێ خوه كرى، ئه‌ڤ كه‌ناله خودان په‌یام و به‌رنامه‌كێ راستگویانه‌یه، ژ پێخه‌مه‌ت خزمه‌تكرنا بیاڤێ میدیا و كولتورێ نه‌ته‌وێ مه و كویركرنا گیانێ برایه‌تى و پێكڤه‌ژیانێ ل وێ ده‌ڤه‌را خوشتڤى”.
ده‌زگایێ ره‌وشه‌نبیرى و راگه‌هاندن یێ پارتى سه‌ره‌راى ده‌ستخوشیكرنێ ل ستافێ ته‌له‌فزیونا دهۆك، پشته‌ڤانیا ده‌زگایێ ژى بۆ زێده‌تر پێشكه‌فتنا ته‌له‌فزیونێ دووپات كریه.
