پارتى هه‌لویستێ خوه ل دۆر پرسا سه‌رۆكایه‌تیا هه‌رێمێ راگه‌هاند
ئه‌ڤرۆ نیوز:
مه‌كته‌با سیاسى یا پارتى دیموكراتى كوردستان پشتى كومبوونا خوه یا ئه‌ڤرۆ، به‌یاننامه‌ك ل دۆر پروسا سیاسى و پرسا سه‌رۆكایه‌تیا هه‌رێما كوردستانێ به‌لاڤكر و داخواز كر مه‌سعود بارزانى تاوه‌كو دووماهیا خولا چوارێ یا په‌رله‌مانێ كوردستانێ وه‌كو سه‌رۆكێ هه‌رێما كوردستانێ بمینیت.
سه‌باره‌ت پرسا سه‌رۆكایه‌تی و سیسته‌مى حوكمرانیێ ل هه‌رێما كوردستانێ پارتى سێ دیتن بۆ جه‌ماوه‌ر و حزب و لایه‌نێن سیاسى به‌رچاڤ كرینه.
1- به‌رده‌وامیدان ب پروسا دانوستاندنان بۆ سازانا نیشتمانى و ب نێرینا مه، به‌رژه‌وه‌ندیا نیشتمان و ئه‌ڤ قوناغا كوردستان تێدا ده‌رباز دبیت، به‌رده‌وامیا سه‌رۆك بارزانى د بجهئینانا ئه‌رك و ده‌ستهه‌لاتا خوه تا خولا بهێت یا په‌رله‌مانى ب پێدڤى دزانین.
2- پارتى بژارده‌یا سیسته‌مێ په‌رله‌مانى ب په‌سه‌ند دزانیت و د وى چارچوڤه‌ى دا یا به‌رهه‌ڤه بۆ دانوستاندنان به دووباره رێكخستنا قانوون و دستوورێ سه‌رۆكایه‌تیا هه‌رێمێ و هه‌موو ده‌ستهه‌لاتێن دى یێن سیسته‌مێ حوكمرانیێ.
3- سه‌باره‌ت ب شێوازێ هه‌لبژارتنا سه‌رۆكێ هه‌رێمێ، دخوازین ب سازانێ بهێته چاره‌كرن و ئه‌گه‌ر نه‌گه‌هشتینه چاره‌كا گونجایى، مه پێ باشه سه‌روه‌رى بۆ خه‌لكى بیت و گه‌ل سه‌رۆكى هه‌لبژێریت.
