پاریس پێگوھورێ کاڤانی ل ئیتالیا دیتی یە
ئەڤرۆ نیوز:
ل دیڤ راپورتێن رۆژنامەڤانی یێن ئیتالی یانا پاریس سانجێرمان دخوازیت ل ھاڤینا بھێت ھەڤبەستێ ل گەل ھێرشبەرەکێ نوو ئیمزا بکەن ل جھێ ھێرشبەرێ خوە یێ ئوروگوای ئەدیسون کاڤانی.
مالپەرێ دیلو سپورت یێ ئیتالی ئاشکراکریە یانا پاریس سانجێرمان دخوازیت ل ھاڤینا بھێت ھەڤبەستێ ل گەل ستێرا ئەنتر میلان و یاریزانێ ئەرژەنتینی ماورو ئیکاردی ئیمزا بکەت ل جھێ ھێرشبەرێ خوە یێ نوکە کاڤانی .
ئەوی مالپەری ئەو چەندە ژی دیارکریە چاڤەرێ دھێتەکرن ب رێژەیا ھەرە مەزن ل دووماھیا ڤی وەرزی ئەو ھێرشبەرێ ئەرژەنتینی دێ پێکھاتیێ یانا ئەنتر میلان ب جە ھێلت ژبەر ئەو ئاریشەیێن دناڤبەرا وی و راھێنەرێ یانێ یێن ڤێ دووماھیێ لێ یانا ئەنتر بەرامبەر چوونا وی مەرجەک ھەیە ئەوژی ھەر یانەکا ب خوازیت ھەڤبەستێ ل گەل ئیکاردی ئیمزا بکەت پێدڤی یە ٧٠ ملیون یورۆ پێشکێشی ئەنتر میلان بکەن.
