پارێزگارێ دهۆكێ ئاڤاهیێ نوو یێ قوتابخانەیا سەرهلدان ڤەكر
ب ئامادەبوونا د. عەلی تەتەر، پارێزگارێ دهۆكێ و بریندار حەیدەر، دەڤەردارێ دهۆكێ و سەگڤان حەسەن، ڕێڤەبەرێ گشتییێ پەروەردەیا پارێزگەها دهۆكێ و ئەكرەم بۆتی، بەرپرسێ لژنا ناوچا ئازادی یا پارتی، دوهی 12/10/2026 ئاڤاهیێ نوو یێ قۆتابخانەیا سەرهلدان یا بنەرەت یا تێكەل د ناڤ یەكەیێن ئاكنجیبوونێ یێن كایار ستی دا هاتە ڤەكرن، كو قوتابخانەیەكا 18 رێزی یە و 400 قوتابی لێ دخوینن.
پارێزگارێ دهۆكێ د كۆنگرەكێ ڕۆژنامەڤانی دا پیرۆزباهی ل هەموو قوتابی و مامۆستا و كەسوكارێن وان كر و دیاركر كو كار لسەر تمامكرنا چەندین قوتابخانەیێن دی دهێتە كرن و ل نێزیك دێ كەڤنە د خزمەتا كەرتێ پەروەردەیێ دا، دیسا پارێزگاری خواست هەموو بەلێندەر بەردەوامییێ ب تەمامبوونا قوتابخانەیێن ل سنۆرێ یەكەیێن ئاكنجیبوونێ بدەن، داكو رادەستی رێڤەبەریا پەروەردەیێ بهێنە كرن و بكەڤنە د خزمەتا پرۆسێسا خواندنێ دا.
