پارێزگارێ نوو یێ حەشدا شەعبی ل کەرکوکێ دەست ب تەعریبکرنا وی باژێری کریە
ئەڤرۆ نیۆز،زنار تۆڤی:
راگەهاندنا ئێکەتیێ بەلاڤکریە،کو ئەو پارێزگارێ نوو یێ میلیشیاتێن حەشدا شەعبی بۆ کەرکووک دانای،یێ وی باژێری تەعریب دکەت.
ئەحمەد عەسکەری، ئەندامێ ئەنجومەنێ پارێزگەها کەرکووکێ راگەهاندیە کو راکان جبوری، پارێزگارێ کەرکووکێ ب وەکالەت دەستهەلاتێن وی د سنووردارن و نەشێت بریارێن گرنگ و چارەنڤیسساز بدەت.
هەروەسا گوتیە،راکان جبووری هەول ددەت مەرجێن هەبوونا ناڤان ل سەر ژمێرییا سالا 1957 یا ئاکنجیبوونێ ل کەرکووکێ لادەت و ب ڤێ چەندێ عەرەبێن ژ دەرڤە ل باژێری نیشتەجێ بکەت، ب مەرەما تەعریبکرنا کەرکووکێ.
هەروەسا راگەهاندیە، کو پارێزگارێ ب وەکالەت دەستهەلاتا هەلوەشاندنا بریارا دادگەها فیدرالی نینە،کو بریار دابوو بۆ ئاکنجیبوونا هەر وەلاتیەکێ ل کەرکووکێ،دێ پشت ب سەرژمێرییا سالا 1957 هێتە بەستن.
پشتی داگیرکرنا کەرکووکێ ژ لایێ حەشدا شەعبی ب رێککەفتن ل گەل بالەکێ ئێکەتیێ، بریار بوو سەرکردەکێ دی یێ ئێکەتیێ،کو رزگار عەلی هاتبوو دیارکرن، ببیتە پارێزگارێ کەرکووکێ ل جهێ نەجمەدین کەریمی، بەلێ حوکمەتا عێراقێ رەتکریە،کو رزگار عەلی بکەتە پارێزگارێ کەرکووکێ.
