پارێزگه‌رێ دهۆكێ و قونسلێ بریتانیا ل كوردستانێ ره‌وشا ده‌ڤه‌رێ گه‌نگه‌شه‌كر
ئه‌ڤرۆ نيوز:
ئه‌ڤرو فه‌رهاد ئه‌مین ئه‌تروشی پارێزگه‌رێ دهوكێ پێشوازیا (مارتن وارر) كونسلێ گشتی یێ وه‌لاتێ بریتانیا ل كوردستانێ وشاندێ دگه‌لدا كر.
دهه‌ڤدیتنه‌كێدا به‌حسێ ره‌وشا پارێزگه‌ها دهوكێ وره‌وشا ئاواره وپه‌نابه‌ران وئه‌و خزمه‌تكاریێن پارێزگه‌ها دهوكێ ورێكخراوێن مروڤایه‌تی بو پێشكێشدكه‌ن هاته كرن.
دته‌وه‌ره‌كێ دن دا به‌حسێ په‌یوه‌ندیێن دوو قولی دناڤبه‌را هه‌رێما كوردستانێ وبریتانیا ورولێ وی وه‌لاتی بو پشته‌ڤانیكرنا هه‌رێما كوردستانێ تایبه‌ت ئه‌و پشته‌ڤانیا بو هێزێن پێشمه‌رگه‌ی كری هه‌مبه‌ر تێكشكاندنا تیرورستێن داعش هاته كرن.
پارێزگه‌رێ دهوكێ خوشحالیا خو ب سه‌ره‌دانێ دیاركر وسوپاسیا حكومه‌تا بریتانیا كر هه‌مبه‌ر ئه‌و پشته‌ڤانیا بو هه‌رێما كوردستانێ دكه‌ت دوارێ سیاسی ومروڤایه‌تی وله‌شكری دا وخواست ئاستێ وان هاریكاریا پتر بهێته زێده‌كرن.
