پارێزگه‌رێ دهۆكێ ژ لایێ رێكخراوه‌كا جیهانی ڤه هاته خه‌لاتكرن
ئه‌ڤرۆ نیوز:
رێكخراوا كاریتاس ” Caritas”یا ئه‌لمانی ل رۆژا 3/12/2019 ل وه‌لاتێ ئه‌لمانیا پێشوازیه‌كا گه‌رم ل فه‌رهاد ئه‌مین ئه‌ترووشی پارێزگه‌رێ دهۆكێ كر و د رێوره‌سمه‌كێ تایبه‌ت دا، پارێزگه‌رێ دهۆكێ خه‌لاتكر.
رێكخراوا كاریتاس یا ئه‌لمانی یا نێڤده‌وله‌تی هه‌ر 15 سالان جاره‌كێ ڤی خه‌لاتی پێشكێشی كه‌سه‌كی دكه‌ت كو شیابیت خزمه‌تا ئاواره و په‌نابه‌ران كربیت و ئه‌ڤ جاره به‌رێز فه‌رهاد ئه‌مین ئه‌ترووشی پارێزگه‌رێ دهۆكێ ژ هه‌ژی ڤی خه‌لاتی دیت، ژ به‌ر وێ خزمه‌تا پێشكێشی خووشك و برایێن ئاواره و په‌نابه‌ر ل سنوورێ پارێزگه‌ها دهۆكێ دكه‌ت.
هه‌ژی گۆتنێ یه كو رێكخراوا كاریتاس ” Caritas”یا ئه‌لمانی ل سالا 1897 ل ئه‌لمانیا هاتیه دامه‌زراندن و یا نێڤده‌وله‌تی یه و ژ 165 رێكخراوان پێك دهێت و د وارێ پێشڤه‌برنا شیانان و خزمه‌تێن جڤاكی و هاریكاریێن مرۆڤایه‌تی كار دكه‌ت و ل پتر ژ 200 وه‌لاتێن جیهانێ كار دكه‌ت.
