پارێزگه‌رێ دهۆكێ داکۆکیێ ل بجهئینانا پرۆژێن خزمه‌تکارى دکەت
ئه‌ڤرۆ نیوز:
فه‌رهاد ئه‌مین ئه‌ترووشى پارێزگه‌رێ دهوكێ ب ئاماده‌بونا جێگرێن پارێزگه‌رێ دهوكێ ئەڤرۆ سه‌رپه‌رشتیا كومبونه‌كا به‌رفره‌ه دگه‌ل رێڤه‌به‌رێ گشتى یێ باژێرڤانیا ل پارێزگه‌ها دهوكێ و سه‌روكێ باژێرڤانیا دهوكێ و رێڤه‌به‌رێ نه‌خشه دانا ئاڤاهیان و رێڤه‌به‌ریا یاسایى ل پارێزگه‌هێ كر.
دكومبونێ دا به‌حسێ پێدڤى و كێم كاسیێن باژێر و باژێركێن سنورێ پارێزگه‌ها دهوكێ و پێدڤیێن هاولاتیان ژ پروژێن خزمه‌تگوزارى هاته كرن.
پشتى گه‌نگه‌شه كا به‌رفره‌ه لسه‌ر ناڤه‌روكا كومبونێ كو تایبه‌ت بو ب ده‌ست نیشانكرنا پێدڤیێن خزمه‌تگوزاریى یێن پارێزگه‌هێ پارێزگه‌رێ دهوكێ داكوكى ل سه‌ر بجهئینانا پروژێن پاركێن گشتى و سه‌خبیركرنا جادێن هاتینه خرابكرن ژبه‌ر بارانا و له‌هیا و له‌زكرنێ دپاراستن و سه‌خبیركرنا وان جادا هاته كرن.
