پارێزگه‌رێ نوو یێ هه‌له‌بجه دێ ده‌ست بكار بیت
ئه‌ڤرۆ نیۆز، قائید میرۆ
ل رۆژێن داهاتی پارێزگه‌رێ نوو یێ پارێزگه‌ها هه‌له‌بجه دێ ده‌ست بكارێن خوه كه‌ت.
عه‌بدولا نه‌وڕۆلی، پارێزگارێ هه‌له‌بجه ب ئه‌ڤرۆ نیۆز راگه‌هاند” ل ڕۆژێن داهاتی ئه‌ز وه‌كی ئێكه‌م پارێزگارێ پارێزگه‌ها هه‌له‌بجه دێ ده‌ست بكارێن خوه بكه‌م و ئێكه‌م كارێ من ژی دێ كۆمكرنا لایه‌نێن سیاسیێن پارێزگه‌هێ بیت بۆ پێك ئینانا حوكمه‌تا خوه يا نافخۆیا پارێزگه‌هێ”.
نه‌وڕۆلی گۆتژی” تنێ پارێزگار دێ ده‌ست بكاربیت و دێ بزاڤان كه‌ین بۆ گه‌هشتنا لایه‌نێن سیاسی و پێك ئینانا جڤاتا پارێزگه‌هێ و رێڤه‌به‌رێن پارێزگه‌هێ، چونكو هێشتا لایه‌نێن سیاسی نه‌گه‌هشتینه چو رێكه‌فتنان بۆ به‌لافكرنا پۆستێن پارێزگه‌هێ”.
