پارێزگەرێ دھۆکێ: مە شیان نین چو ئاوارێن دی وەرگرین
ئەڤرۆ:
پارێزگەرێ دھۆکێ د چارچوڤێ سەرەدانەکێ دا بۆ کەمپا گەویلان یا پەنابەرێن سووری و کەمپا بەردەرەش یا ئاواران راگەھاند کو بەغدا ب چو رەنگەکی نە پرسیار دکەت و نەخوە ل ئاواران کریە خودان .
ل دۆر وەرگرتنا ھژمارەکا دی یا ئاواران فەرھاد ئەمین ئەترووشی گۆت: “مە شیان نینن چو ئاوارێن دی وەرگرین، چونکو مە بودجە نینە و حوکمەتا ھەرێمێ ئامادە نینە ئاواران وەرگریت و جە ژی نەمایە، مە ھەرسێ پارێزگەھێن ھەرێمێ کۆمبوونەک ل گەل وەزیرێ ناڤخۆ ئەنجامدایە و مە دیارکریە ئەم دبەرھەڤ نینین چو ئاوارێن دی وەرگرین”.