پاشەروژا میسی ل بەرشەلونە مژەوی بویە
ئەڤرۆنيوز:
ل ناڤا کارگێریا یانا بەرشەلونە یا ئسپانی بابەتێ نووکرنا ھەڤبەستا ستێرا یانێ یێ ئەرژەنتینی لیونێل میسی یێ مژەویە و رەوش ھەتا نوکە ئالوز مایە.
د ڤی دەربارەی دا روژنامەیا مارکا یا ئسپانی ئاشکەراکریە کو میسی نا خوازیت پێنگاڤان پاڤێژیت ژبو نووکرنا ھەڤبەستێ د ڤی دەمی دا و ڤی یاریزانی بو یانێ ئاشکەراکریە کو بابەت بھێت پاشخستن بو دەمەکی دی تایبەت ب ئەگەرا ھاتنا پێشا ئاریشەیێن باجێ.
زێدەتر خویاکریە کو میسی داخوازکریە ھەڤبەستا وی یا نوکە ئەوا دێ ل ھاڤینا ٢٠١٨ ب دووماھی ھێت ب دووماھی بینت و دووڤدا ھزر د بابەتی دا بکەت و ژبەر ڤێ خواستا وی کارگێریا یانێ بێ دەنگ مایە چونکو باش دزانن و باوەری ب میسی ھەیە دێ ل بریارا خوە لێڤە بیت و بەری ب دووماھی ھاتنا ماوێ ھەڤبەستێ نووکە وەکو ل بریارا خوە یا دەستبەردانا کرنا یاریێ بو ھەلبژارتیێ ئەرژەنتین پوشمان بووی.
