پاییز
محەمەد چەلكی
پاییز پاییز
ژهه‌ناسێن ته
بایێ ته‌زی
پیلكێ
خاتوینا چاڤ به‌له‌كا روی سپی*
پرچێ دار و مێرگێن كه‌سك گه‌زی
لێ وه‌راندن خه‌مل و كه‌زی
ره‌شمالێن ل زۆزانا چارمێركێن خوه ڤه‌داین
چۆك فشاندن
ب بێده‌نگی
لێ خاڤ بوون داڤ و ده‌زی
گه‌لی و نهال
به‌ته‌ن و چه‌لخته و زویر و كێری
ژ ڤاله‌بوونا هێلین و لیسێن تلۆرا و
قه‌ب قه‌با كه‌وا و حه‌یرانۆكێن شڤانا
شینی گه‌رم كرن
ژ كه‌زه‌به‌ك كوزری
پاییز پاییز
بویكا چارۆك و خێلی زه‌ر
پیلكا خاتوینا چاڤ به‌له‌ك و روی سپی
سڕكه‌را هه‌می ئاوازێن تلۆرا و
دلێن تژی كه‌ده‌ر.
_____________
* مه‌ره‌م ژێ به‌فره.