پتری ٩٢ هزار تەنێن کەلوپەلان ل دەروازێ ئیبراهیم خەلیل هاتینە ژ ناڤبرن و زڤراندن
ئەڤرۆ نیوز، زنار تۆڤی:
پەیڤدارێ دەروازێ نێڤدەولەتی یێ ئیبراهیم خەلیل بۆ ئەڤرۆ نیوز راگەهاند: د سالەک و ١٠ هەیڤان دا، پتری ٩٢ هزار تەنێن کەلوپەلێن خوارنێ و نۆشداری و ئاڤاکرنێ ل کۆمەلگەها دەروازێ نێڤدەولەتی یێ ئیبراهیم خەلیل هاتینە زڤراندن و ژ ناڤبرن.
کامی کەمال، زێدەتر دبێژیت: ئەو کەل و پەلێن هاتینە زڤراندن نە دگونجایبوون ل گەل رێنمایی و مەرجێن ساخلەمیێ، دیسان ژبەر بنپێکاریێن ساخلەمیێ و رێنمایان پتری ٣٦ هزار دۆسیێن سەرپێچیێ بۆ دادگەها ڤەکۆلینێ هاتینە رەوانەکرن.
دیسان گۆتیە، ئەو کەلوپەلێن هاتینە ژ ناڤبرن پێکهاتینە ژ کەلوپەلێن خوارنێ، ساخلەمیێ، ڤیتێرنەریێ، بیناسازیێ، کو ژ وەلاتێن بیانی هاتبوونە رەوانەکرن.
