پروژێ جوتسایدێ چرە پێدڤی سەخبێریەکا ب لەزە
ئەڤرۆ:
رێڤەبەرێ ناحیا قەسروک راگەھاند، پرۆژێ جوتسایدێ ناڤ سەنتەرێ کۆمەلگەھا چرە پرۆژەکێ ستراتیژیە و رێیا ھاتن و چوونا ھەموو باژێرێن کوردستانێ د ناڤ ڤی سەنتەری دەرباز دبن، بەلێ ڤێ رێیێ چو پێگوھۆرێن دی نینن و ئاریشە بۆ وەلاتیان پەیداکرینە.
شێردل سمۆ، رێڤەبەرێ ناحیا قەسروک بۆ روژناما ئەڤرۆ ئاشکرا کر، ئەو رێیێن پێگوھۆر رێیا باشیک و بن چیایێ مەقلوبە، ئەو یێن ھاتین گرتن و ھندەک ژ وان یێن ژ کار کەفتین، ب تنێ ئەڤ رێیە یا مایی قەلەبالغەک مەزن یا کەفتیە سەر و بوویە جھێ دلگرانیێ بی خەلکێ کیمەلگەھێ و شوفێرێن ھاتن و چوونێ ل سەر دکەن.
ناڤبری دیار کر، ھەر چەندە باژێرڤانیا چرە ھندەک ئامادەکاری یێن بۆ کرین بۆ رێیێن پێگوھۆر ژی، بەلێ ب دیتنا من ئەو نابنە پێگوھۆرێن دروست کو چارەسەریا وێ قەلەبالغێ بکەن، ئەو پرۆژە پێدڤیە ب زووترین دەم بھێتە چێکرن، ئەم دێ تەحەملا ھندێ کەین کو ماوەیەک ببیتە قەلەبالغ، بەس دێ خزمەتەکا گشتی گەھینتە وان کەسێن ھاتن و چوونێ ل سەر دکەن، ئەگەر ئەڤ پرۆژە بھێتە دروستکرن ھەتا رادەیەکێ باش دێ قەلەبالغ کێم بیت.
ناڤبری دیار کر، کۆژمێ ڤی پرۆژەی پتر ژ ١٢ ملیار دینارانە، ژ لایێ کۆمپانیا مەساج ڤە ھاتیە گرتن، ئەڤ پرۆژە درێژیا وی ٢ کیلومەتر و شەش سەد مەترە و ٤% کار ل سەر ھاتیە کرن.
