پرۆژێ پشتەڤانیا ساخلەمیا دەروونی ھاتە ڤەکرن
ئه‌ڤرۆنيوز:
پرۆژێ پشتەڤانیا ساخلەمیا دەروونى بۆ زارۆ و سنێلان ل دھۆکێ ب ئامادەبوونا د. نزار عسمەت، رێڤەبەرێ گشتى یێ ساخلەمیا دھۆکێ و مکیلی مورانا رێڤەبەرێ گشتیێ ئاژانسا ئیتالیا یا ھەڤکاری و گه‌شه‌پێدانێ ھاتە ڤەکرن.
د. نزار عسمەت رێڤەبەرێ گشتیێ ساخلەمیا پارێزگەھا دھۆکێ دیارکر کو رۆژا جیھانیا ساخلەمیا دەروونی دەست ب کارێ پرۆگرامێ پشتەڤانیا ھەڤکاریا وەلاتی ئیتالیا ھاتە بجهـ ئینان، نوونەرێ وان د گەل مە دا دبەرھەڤن بجهـ ئینانا د گەل مە دا و رێکخراوا ئیسپۆ دھێتە ئەنجام دان.
دا زانين ژى كو ئەڤ پرۆگرامە دێ پشتەڤان بیت بۆ ساخلەمیا دەروونی دا بشێت پتر شیانێن وان بلند بکەن و باشتر خزمەتا زارۆ و سنێلا بکەن ب جوانی سەرەدەرى د گەل دا بھێتە کرن ئەو شیانیێن ساخلەمیا دھۆکێ نەيین ھاریکاریا مە بکەن بھێتە دابینکرن ئەو شیان و دەمژمێرێن کارکرنێ ژی یێن بەری نوکە ستاف نەدشیا ببینيت ل سەنتەری خزمەتا وان بکەت.
گۆت ژى کو دێ تیم ھێنە دروستکرن ئەو خەلکێ نەدشیا بھێنە سەنتەری ئەم د ھاوارا وان بچين و چارەسەریا وان بکەین ھەروەسا چەندین کارێن دی ئەنجام بدەن وەکو نووژەنکرنا سەنتەری و دابینکرنا ھندەک ئامیر و کەرەستێن نوو و بەرھەڤکرنا راھێنانان یێن درێژ خایەن بۆ ستافێ سەنتەری بشێن زيرەکێن وان زێدە بکەن و ھاندانا وان بۆ چێکرنا ڤەکۆلینا و بەلاڤکرنا وان ل سەر وارێ ساخلەمیا دەروونی یا زارۆيان و داخازێ ژ وان دکەین بەردەوام پشتەڤانیا ساخلەمیا دھۆکێ بکەن بەری پێنج سالان ھەتا نوکە پشتەڤانیا مە دکەن و شوون تبلێن وان د دیارن د ساخلەمیا دھۆکێ دا، دخوازین بەردەوام بن.
مکیلی مورانا، رێڤەبەرێ گشتیێ ئاژانسا ئیتالى یا ھەڤکاری و گه‌شه‌پێدانێ دیارکر کو ل دھۆکێ خزمەتەکا باش د وارێ ساخلەمیا دەروونی دا دھێتە پێشکێشکرن.
دا زانين ژى كو بابه‌تێ ساخلەمیا دەروونی بابەتەکێ زۆر گرنگە ئیتالیا شارەزایەکا باش د وى واری دا هه‌يه، دێ شێین خزمەتا پێشکێشی دھۆکێ کەين بۆ باشترکرنا گەھاندنا خزمەتێن دەروونی دێ بەردەوام بين ل سەر خزمەتکرنا ساخلەمیا دھۆکێ.
