پرەکا ئاسنی ل شوونا پرا ل زومار ھاتیە پەقاندن دێ ھێتە دروست کرن
دھۆک، لەزگین جۆقی:
رێڤەبەرێ سەخبێری و پاراستنا رێک و پران ل پارێزگەھا دھۆکێ بۆ ئەڤرۆ دیارکر کو ئەڤرۆ ٢٢/١٠/٢٠١٤ دێ دەست ب چیکرنا پرەکا ئاسنی ھێتە کرن ل دەڤەرا زومار بۆ ھاتن و چوونێ چونکو داعش پرا بەردیە ل زومار پەقاندیە و دێ ئیکا ئاسنی ل شوونا وێ ھێتە چێکرن و بریارە د ماوێ ١٥ ھەتا ٢٠ رۆژان دا پرا نوو ب دووماھی بھێت.
ئەندازیار دێوالی حەمێ بریندار رێڤەبەرێ سەخبێری و پاراستنا رێک و پران ل پارێزگەھا دھۆکێ ھەروەسا دیارکر کو ئەو جادێن ژ لایێ داعش ڤە ھاتینە تێکدان بەردەوام دھێنە سەخبێر کرن.
دێوالی حەمێ بریندار ھەروەسا گۆت ل وەرزێ زڤستانێ ھەر جادەکا ژ بەر لەھیێن بارانێ زیان بگەھیتێ ئەم ئێکسەر ڤەدکەین و سەخبێر دکەین، گۆت ژی ھەشت تیم ھاتینە دروست کرن بۆ پاقژکرنا جادان و نەھێلانا پەیدابوونا ئاستەنگان بۆ ھاتن و چوونێ، ھەروەسا بۆ ھەر حالەتەکێ نەچاڤەرێ کری یێ ژ ئەنجامێ ھاتنا بەفرێ پەیدا دبیت ئەو تیم دێ ب کارێ خوە رابن.
