پشتى بورینا 39 سالان سعودیێ سه‌ره‌دانا عیراقێ كر
ئه‌ڤرۆ:
چاڤه‌رێ دهێته‌كرن سوباهى پشتى بورینا 39 سالان جاره‌كا دى هه‌لبژارتیێ عه‌ره‌بستانا سعودى یاریه‌كا هه‌ڤالینى ل وه‌لاتێ عیراقێ بكه‌ت ده‌مێ سوباهى پشتى ئێڤارى ل ده‌مژمێر حه‌فت مه‌غره‌ب د بیته مێڤانا هه‌لبژارتیێ عیراقێ ل یاریگه‌ها به‌سرا ل باكورێ عیراقێ كو چاڤه‌رێ دهێته‌كرن جه‌ماوه‌ره‌كێ مه‌زن ل ڤێ یاریێ ئاماده‌بیت هه‌ردیسان چه‌ندین به‌رپرسێن وه‌رزشى ل سه‌ر ئاستێ وه‌لاتێن عه‌ره‌بى و ئاسیا ئاماده‌بن .
ل دویڤ گوتنا سه‌رۆكێ ئێكه‌تیا ته‌پا پێ یا عیراقێ عه‌بدولخالق مه‌سعود ئه‌وان بوو ڤێ یاریێ به‌رهه‌ڤیێن باشكرینه و ب هه‌ڤكارى ل گه‌ل حكومه‌تا عیراقێ و وه‌زاره‌تا وه‌رزش لاوان هه‌مى به‌رهه‌ڤى هاتینه‌كرن بوو ڤێ یاریێ و به‌رى ده‌ستپێكرنا یاریێ دێ چه‌ند كه‌رناڤال هێنه‌كرن و ئه‌ڤه دبیته ده‌ستكه‌ڤتیه‌ك بوو ئێكه‌تیا ته‌پا پێ ئه‌و شیان جاره‌كا دى یاریێن نیڤده‌ولى ل عیراقێ ئه‌نجامداین پشتى ل ماوێ بورى ژى شیان چه‌ندین هه‌لبژارتیێن ئاسیا و عه‌ره‌بى رازیكه‌ن بوو كرنا یاریێ ل عیراقێ .
هه‌ژى گوتنێ یه هه‌لبژارتیێ سعودى دووماهیى یاریا خوه یا نیڤده‌ولى ل عیراقێ كرى به‌رى 39 سالان بوو ئه‌وژى ل سالا 1979 بوو ژ چارچوڤێ یاریێن قاره‌مانیا كه‌نداڤى یا پێنجێ بوو .
