پشتى ده‌مه‌كێ كێم كچێن هه‌ولێر و مه‌سافى باكوور دێ ياريێ كه‌ن
ئه‌ڤرۆ نيوز، نيوار محه‌مه‌د سه‌ليم:
سه‌رپه‌رشتا تيما كچێن هه‌ولێر د داخۆيانيه‌كێ دا بۆ ئه‌ڤرۆ نيوز ژ به‌غدا ب رێيا تله‌فۆنێ راگه‌هاند كو ئه‌ڤرۆ ده‌مژمێر 3ى پشتى نيڤرۆ كچێن هه‌ولێر دێ ياريا خوه يا ئێكێ ل گه‌ل مه‌سافى باكوور ژ ئه‌نجامێ ياريێن دووماهيا فوتسالا كچان ل عيراقێ كه‌ت.
چريسك مزوورى گۆت: “كچێن هه‌ولێر وه‌كو نوونه‌را ئێكانه يا هه‌رێما كوردستانێ پشكدارى يا د قاره‌مانيا دووماهيێن فوتسالا كچان دا ل عيراقێ كرى”.
زێده‌تر گۆت: “پێشتر ژ لايێ ده‌روونى ڤه نه د ئارام بووين ژ به‌ر كاودانێن به‌غدا و پشكدارينه‌كرنا پێنج كچێن تيمێ ل گه‌ل مه، به‌لێ سۆپاس بۆ خودێ سێ كچێن دى ژى هاتن و نوكه ب تنێ دو ماينه”.
ئاشكه‌را ژى كر كو تيمێن باش پشكدارى يا د ڤێ قاره‌مانيێ دا كرى، مينا ئيسكان و نه‌سرۆ سه‌لام كو ئه‌ڤان هه‌ردو تيما پشكدارى د قاره‌مانيا عه‌ره‌بى ژى دا كربوو.
چيرسك خانێ گۆتژى: “ئه‌م بۆ ناسناڤێ قاره‌مانيێ يێن چووين و ب هيڤى نه كو دێ شێين هه‌ڤركيه‌كا باش كه‌ين”.
ب پشكداريا حه‌فت تيما ياريێن دووماهيا فوتسالا كچان ل عيراقێ ده‌سپێكر و ياريێن وێ دێ ب رێيا خول ل به‌غدا ياريگه‌ها كۆليژا په‌روه‌ردا وه‌رزشى هێنه ئه‌نجام دان و قاره‌مانى هه‌تا سه‌رێ ڤێ هه‌يڤێ دێ يا به‌رده‌وام بيت.
