پشتی بورینا دەھـ ھەیڤان شیا گولێ توماربکەت
ئەڤرۆ نیوز:
پیشەکارێ سوری و یێ یانا دھۆک ئەحمەد دونی پشتی ل دووماھیا ھەیڤا کانونا ئەڤ سالە توشی ھنگافتنەکێ بووی لگەل یانا زەورا وەرزێ بوری یێ خولا عیراقێ، ژبەر وێ ھنگافتنێ ھەڤبەستا وی ل گەل یانا زەورا ھاتیە ھەلوەشاندن و پشتی نشتەگەریەکێ ل ھەیڤا ئادارا ئەڤ سالە و چارەسەریەکا باش جارەکا دی یاریکەر ڤەگەریا دناڤ یاریگەھێن تەپا پێ دا .
ب رێکا یانا دھۆک یاریکەرێ ناڤبری جارەکا دی ڤەگەریا دناڤ یاریگەھێن تەپا پێ پشتی دورکەفتنا زێدەتر ژ دەھـ ھەیڤان ژ یاریا تەپا پێ، دوھی یاریا خوە یا ئێکێ یا فەرمی ل گەل تیما خوە یا نووی کر و راھێنەرێ تیمێ ل جارێکا دووماھیێ پشت بەستن ل سەر کر ژبەر نە بەرھەڤیا وی یا شیانێن لەشی و د پشکداریا ئێکێ دا یاریکەرێ نیڤدەولی یێ سوری ئەحمەد دونی شیا تیما خوە بەر ب سەرکەفتنەکا گرنگ بەت پشتی ل خولکا دووماھیێ دا شیای گولێ توماربکەت ل دور پشکداریا خوە یا ئێکێ ناڤبری د داخویانیەکێ دا بۆ ئەڤرۆ نیوز دیارکر ئەو گەلەک یێ کەیفخوشحال بوو ب وێ گولێ کو پشتی ژ ھنگافتنێ ڤەگەریای ئەو ھەست ب وێ چەندێ کەت دێ ل گەل ڤێ یانێ جارەکا دی شێت ئاستێ خوە یێ جاران ڤەگەرینت ھەر چەندە ماوەکێ درێژە ژ یاریگەھا دورکەفتی لێ تیما دھۆک تیمەکا یا خودان شیان بەرنیاس و ب رێکا ڤێ یانێ ئەو دێ شێت جارەکا دی ڤەگەریتە دناڤ پێکھاتیێ سوری .
زێدەتر دونی گوت: بەری ھەڤبەستا دھۆکێ ئیمزابکەم ھەر ئێک ژ یانێن بەغدا و نەجەف یێن عیراقێ و یانا وەحدە یا سوری پەیوەندی ب من کر بوو لێ من خواست ھەڤبەستا یانا دھۆک ئیمزابکەم چونکو ئەو ل ڤێ یانێ گەلەک یێ ئارامە ھەر چەندە کوژمێ پارەی یێ ھەردو یانێن عیراقێ سێ ھەتا چار جاران ژ یێ دھۆکێ زێدەتر بوو.
