پشتی بەلاڤەکرنا پوستەکێ یانەکێ ١٨ ملیون دولار پێشکێشی ریال مەدرید کرن
ئەڤرۆ نیوز:
پشتی ل ماوێ چەند رۆژێن بوری گولچیێ ھەلبژارتیێ کوستریکا و یانا ریال مەدرید کیلور ناڤاس ل سەر ئەکەوانتێ خوە یێ تایبەت ئنستگرام پوستەک بەلاڤەکری کو تێدا وێنەکێ خوە بەلاڤەکری ل ژێر وی وێنەی تێدا نڤێسی سوپاس بوو ھەر تشتەکێ چەند یانێن ئورۆپی ھاتنە سەر ھێلا دەستڤە ئینانا ئەوی یاریزانی کو ئێک ژبەرنیاسترین یانێن ئنگلیزی ئەوژی یانا ئەرسینال ب فەرمی داخوازیەک پێشکێشی یانا ریال مەدرید کری بۆ دەستڤە ئینانا ئەوی بەرامبەر کوژمێ ١٤ ملیون جێنی ئیسترلینی کو دبنە نێزیکی ١٨ ملیون دولارن .
بەری نوکە چەند رۆژنامەیێن نێزیکی یانا ریال مەدرید دیارکر بوون ناڤاس ل ڤەگوھاستنێن بھێت داخوازیت پێکھاتیێ یانا ریال مەدرید ب جە بھێلت ژبەر ئەو رافتارا راھێنەرێ نوکە یێ یانا ریال مەدرید کو پشت بەستنێ ل سەر ئەوی ناکەت ل خۆلا ئیسپانیا و قارەمانیا چامپیونیز لیگ ھەر ژبەر ڤێ چەندێ گولچیێ ناڤبری داخوازیت پشتی بورینا چار سالێن پری سەرکەفتی یانا ریال مەدرید ب جە بھێلت و بەر ب یانەکا دی ڤە بچیت.
ھەژی گوتنێ یە ناڤاس ل ماوێ چار سالێن بوری ل گەل یانا ریال مەدرید شیابوو ١١ ناسناڤان ب دەستخوڤە بینت ژ ئەوان سێ ناسناڤێن چامپیونیز لیگ ل دیڤ ئێک و چار ناسناڤێن موندیالا یانێن جیھانێ و ناسناڤەکێ خۆلا لالیگا و دو ناسناڤێن سوپەرا ئورۆپی و جارەکێ ناسناڤێ سوپەر ئیسپانی.
