پشتی فشارێن ئسرائیلێ ئەگەرێ دوورئێخستنا تۆم باراکی هەیە
بەرپرسەکێ وەزارەتا دەرڤە یا ئەمریکا کو ناڤێ وی نەهاتیە ئاشکرا کرن بۆ رۆژنامەیا واشنتۆن پۆست یا ئەمریکی دیار کریە، هەلوەستێ ڤێ دووماهیێ یێ تۆم باراکی سەبارەت ب ئسرائیلێ کو تێدا دیار کربوو ئسرائیلێ پشکەک ژ ئاخا سووریێ داگیر کریە، وەسا کریە کو بەرپرسێن ئسرائیلێ گەلەک توورە بووینە و داخواز ژ ترامپی کرینە کو تۆم باراکی ژ کارێ وێ دوور بکەت و نابیت ئێدی باراک وەکو نوونەرێ ئەمریکا بۆ کاروبارێن سووریێ کار بکەت، دهێتە چاڤەرێکرن زووترین دەم دا تۆم باراک ڤەگەریتە ئەمریکا و دێ تنێ وەکو بالیۆزێ ئەمریکا ل تورکیا کار کەت و دێ دۆسیا ئیراقێ و سووریێ ژێ هێتە وەرگرتن.
هەمان بەرپرسی ئەو یەک ژی دیار کریە کو بەری نها ژی ئسرائیلێ هۆشداری دابوو ئەمریکا کو تۆم باراک ژ بەر پەیوەندیێن خوە یێن بازرگانی ل گەل تورکیا نها ب تەمامی خزمەتا تورکیا دکەت و ئەو یەک دێ زیانەکا خوە یا گەلەک مەزن بۆ بەرژەوەندیێن ئەمریکا ل رۆژهەلاتا ناڤین هەبیت.
