پشتی نسكۆیا 1975ێ رژێما ئیراقێ هزر دكر ئێدی چو شۆڕەشێن كوردی ساخ نابن
ديدار، سالار محةمةد دؤسكى:
3-5
هەمان زیندانیێ زیندانا ئالوكان ئەو ژی گۆت: كەیف مرۆڤی ب رۆلێ ئەڤان ژنان دهێت و كچێن (15 و 16 و هەتا 20) سالی هەبوو و ئەڤان ژنان شیان خوە ل ئەڤان كچان بكەنە خودان، پشتی ئەم دو سالان ماینە دناڤا وێ كەلهێ دا ل سالا 1982ێ ب بریارەكێ ئەم هاتینە ئازادكرن و حوكمەتێ بۆچی ئەڤ ژنكە دگرتن دا كورێ وێ یێ دناڤا پێشمەرگەی دا بهێت خوە رادەستی حوكمەتێ بكەت و ماوێ ئەم زیندانكری هەتا هاتینە ئازادكرن چ زەلامان خوە رادەستی حوكمەتا بەعس نەكرن و پشتی بوو حوكمەتێ دیاربوو كو كەسەك خوە رادەستی ئەوان ناكەت رابوو هێدی هێدی هندەك بەردان ب بریارێن لێبورینێ ولدیف گۆتنا ئەوان ژنان (ناصر بەگ) ژی گەلەك بزاڤێن ئازادكرنا ئەوان ژنان كرن بوو ئەگەر گەلەك ژن بهێنە ئازادكرن و ئاخفتنا وی چوو و مرۆڤەكێ وێرەبوو و هەتا ئەوا ژنێن هاتینە ئازادكرن دووپاتی ل سەر ڤێ چەندێ كرینە و ل گەل زیندانكرنا مە بۆ ماوێ دو سالان بابێ من ژی ل ئەمنا دهۆكێ یێ زیندانكری بوو و دو سالان ما دزیندانا ئەمنا دهۆك دا و هەر ژنەكا ژ كەلها ئالوكان هاتبا ئازادكرن دا بێژنێ هەرە دڤێت بگەهیە كورێ خوە یان زەلامێ خوە یێ دناڤا شورەشێ دا و نابیت دناڤا باژێری دابی و دەمێ ئەم هاتینە ئازادكرن ئەم چووینە كومەلگەها (هیزاوا) حوكمەتێ گۆت نابیت هین دناڤا كومەلگەهێ دابن وی دەمی مامێ من ئەو ژی نەمابوونە وێرێ ئەو ژی هاتبوونە سێمێلێ و پسمام ژی بوونە پێشمەرگە و بنەمالا مە هەمی بەلاڤ بوون و دەمێ ئەم ل زیندانێ مە ئاگەه ژێ هەبوو كو بابێ من هێشتا ل زیندانا ئەمنێ دایە چونكە هندەك مرۆڤێن مە سەرەدان بۆ دكر دەمێ ل زاخۆ و وی دەمی زارۆكێن هندەك ژنكێن دەف مە زیندانكری ڤەگوهاستنە ئەمنا زاخۆ وەك زارۆكێن (گولا سپینداری) ئەو ژی گۆتە بابێ من زارۆكێن هەوە ل زیندانێ نە ل كەلها ئالوكان ئەو ڤەگوهاستن چونكە مەزنتر بووینە.
هەمان زیندانیێ كەلها ئالوكان ئەو ژی دیاركر كو رۆژانێن زیندانێ گەلەك پەیوەندیێن جڤاكی دناڤبەرا ئەوا ژن و زارۆكان دا خورتكرن و رەنگە پێكئینانا خێزانێ دناڤبەرا هندەك دا دروست بوویە و رەنگە هێشتا هەڤالین و سەرەدان دناڤبەرا گەلەك خێزان دا هەتا نوكە هەیە و بەردەوام بوویە و بۆ گەلەك خێزانێن من سەرەدان بۆ كرین تشتەكێ گەلەك غەریب بوو و ئەز نەنیاسیم ئەو بوو هەتا من خوە پێ دایە نیاسین كو كورێ فلان كەسێ مە و فلان سالێ ئەم پێكڤە دزیندانێ دا بووین و گەلەك كەیفا وان هات و نێرینا وان زێدەتر هاتە گوهورین، هەمی هەلكەفتێن نەتەوەیی و ئاینی وەك رۆژێن سرۆشتی بوون ل زیندانێ هەمی نەخوشی و گری بوو و خەلكەكێ گەلەك تورە هەبوو و گەلەك كرنە گری و چ خوشی دناڤا زیندانێ دا نەبوون، دناڤا زیندانێ دا بتنێ دو سەرشو و دو دەست ئاڤ هەبوون، ئەوا ژنێن خوراگرێن پێشترمە ئاماژە پێكری ئەوا خشتەكێ جوان دانا بوو بۆ سەرشووشتنێ و بەلاڤەكرنا خوارنێ و سرا هەر تشتەكی و ئەڤە نە تشتەكێ ب ساناهی بوو بۆ وی دەمی.
هەمان زیندانیێ كەلها ئالوكان ئەو ژی دیاركر كو ل سالا 1982ێ و پشتی هاتینە ئازادكرن قەستا دەڤەرێن رزگار كر ئەوێن بن كونترۆلا پێشمەرگەی وی دەمی مالا برایێ وی (عزەت) ل گوندێ بێشیلێ بوو و هەتا سالا 1985ێ مانە ل دەڤەرێن رزگاركری و هەتا هەوا ئەنفالان مان، پشتی ئازادكرنا مە ژ زیندانێ ئەو چار سال بوو خێزانا مە برایێ مە (عزەت) نەدیت بوو و جارەكا دی ئەم ب دیتنا ئێك دو شاد بووینە ڤە، دەمێ خێزانا مە ل سالا 1980ێ هاتیە دەستە سەركرن وی دەمی برایێ من (عزەت) ل گەل شەهید (شەعبان غەفار) چووبوونە چالاكیەكا لەشكەری ل (كەلا شێخو) وپشتی ڤەگەریانێ شەهید (شەعبان غەفار) دەنگۆیێ گرتنا خێزانا مە گەهاندە برایێ من لێ ب نورمالی ڤە وەرگرت چونكە خودان دوز و ئیرادەكا موكم بوون و خوە رادەستی دوژمنی نەكر و هەتا ڤێگاڤێ ژی ل سەر كار و خەباتا خوە یێ بەردەوامە.
هەمان زیندانی ئەو ژی گۆت: بیرا من دهێت رۆژانێن زیندانێ گەلەك جاران تانكێ ئاڤێ ڤالە دبوو و ئاڤ نە دهاتە كێشان و ئەو نەچار بوون سوندەی بكەنە دتانكێ دا و لدەف بەعسیان تشتەكێ نورمال بوو پولیسەك سوندەی بكەتە دناڤا تانكێ دا لێ ژنكێن سەرپەرشت گۆتە پولیسان ئەم قەبوول ناكەین ئێك پولیس ئەڤی كاری بكەت و ژنك دێ ڤی كاری كەن و دێ سوندەی كەنە دناڤا تانكان دا و نەهێلا پولیس بهێن، دیسا جارەكا دی پولیسا گۆتن دێ پێشمەرگە هێن و هاڤێنە زیندانێ و هەمی زیندانیان دێ بەردەن و ئەو پولیسان بزاڤكر كو بهێنە دناڤا زیندانێ دا و بیرا من دهێت و دیمەن پێش چاڤێن منە (سامیا بامەرنی) دایكا شەهید (خسرو بامەرنی) دەستێن خوە هاڤێتنە شفشێن زیندانێ و گۆت نابیت ئێك پولیس بهێتە دناڤا زیندانێ دا و ئەم ب چ رەنگ و شێوازا قەبوول ناكەین و پولیسا بزاڤكرن بچنە سەربانی كو بەرەڤانی یا زیندانێ بكەن بەلێ شێرە ژنا قەبوول نەكر و جارەكا دی ژی دیسا پولیسان بزاڤكرن بهێنە دناڤا زیندانێ دا ژنكان دانانێ ب نەعالا و ب چ رەنگان نەهێلان ئەو پولیس بهێنە دناڤا زیندانێ دا و خوراگریەكا هەرە زێدە دناڤا زیندانێ دا ل دەف دایك و خویشكێن مە بوو و گەلەك خوراگر بوون وەك پێشمەرگەكی بەرەڤانی ژ ئاخ و كەرمەت و شەرەفا مللەتێ كورد دكر.
هەمان زیندانی ئەو ژی گۆت: مە سەرەدانێن خوە نەدیت و بتنێ پولیس دا ئاماژێ پێ كەن كو مرۆڤێن فلان كەسێ هاتبوون و فلان تشت ئینایە و بیرا من دهێت دایكا مامۆستا دكتور (عەبدولوەهاب) سەرۆكێ زانكۆیا نەوروز یا نوكە سەرەدانا مە دكر و گەلەك جاران خارن بوومە تینا و مە نەدیت و بتنێ خوارنا وێ دگەهشتە دەستێ مە و ماندیبوونەكا مەزن ب مە ڤەدیت و بەردەاوم دهات و ئەم نەدیتن وی دەمی مالا وان ل تاخێ مالتایێ بوو و مەتەكا مە بناڤێ(سەلوا) بەردەوام سەرەدانا مە دكر ل زیندانێ ل ئەم هەر نەدیتین و گەلەك جاران مریشكەكا قەلاندی بوومە تینا و گەلەك جاران ژی داهێت و ئەم نە دیتن و تشتێ وێ ژی نە گەهشتە مە دا ئێكسەر ڤەگەریتە ڤە.
هەمان زیندانی گۆتژی: پولیس هەبووینە گەلەك سەردەریەكا نە جوان ل گەل زیندانیان دكر و نەخوش بوون و چەند پولیسێن خەلكێ تەلەعفەر هەبوون كو نەتەوە توركمان بوون وی دەمی ئەم بچوویك بووین رەنگە مە هند پێزانین ل سەر نەبوون لێ دیفچوونێن مە دا هندەك ژنان ئاماژە پێكریە كو سەرەەریكرنا پولیسان گەلەك نەیا مرۆڤایەتی بوو.
