پشتی ٦٣ سالا لاوازترین دەستپێک تومارکر
٢٠١٩ لاوازترین دەستپێکە بوو یانا ئەنتر میلان
ئەڤرۆ نیوز:
پشتی یانا ئەنتر میلان ل شەڤا بوری ل ناڤ ئەرد و جەماوەرێ خوە توشی خوسارەتیێ بووی ل گەل یانا بولونیا ب گولەکێ بێ بەرامبەر لاوازترین نمرە تومارکر پشتی بورینا ٦٣ سالان.
مالپەرێ ئوپتا یێ تایبەت ب ئامارەیێن وەرزشی ڤە دیارکر یانا ئەنتر میلان ل سێ دووماھیی یاریێن خوە دخۆلا کاتشیو دا نەشیا چو گولا توماربکەت و ئەڤە دبیتە لاوازترین دەستپێک ل سێ یاریێن دخولێ دا ل سالەکا نوو دا کو ژ سالا ١٩٥٦ وەرە ئەڤ چەندە نە ھاتیە تومارکرن ل یانا ئەنتر میلان ل یاریێن خولا کاتشیو دا.
ھەژی گوتنێ یە یانا ئەنتر میلان ل سێ یاریێن خوە یێن سالا ٢٠١٩ دخولا ئیتالیا دا نەشیا چو گولا توماربکەت پشتی ل گەل یانا ساسولو وەکھەڤبووی بێ گول ل ھەردو یاریێن بەرامبەر بولونیا و تورینو خوسارەت بووی ب گولەکێ بێ بەرامبەر.
