پشتی ڤەکێشانا ھێزێن خوە ل سووریا ئەمریکا دێ گویلەنی ژی دەرکەت
ئەڤرۆ نیوز، قائید، رەمەزان:
دوھی رۆژا چوارشەمبی ئەمریکا بڕیار دا ھێزێن خوە ل سووریا ڤەکێشیت و بسپۆرەکێ زانستێن سیاسی ژی ئەگەرێن ئەڤێ بڕیارا ئەمریکا ئاشکرا دکەت و دبێژیت، بڕیارێن دی دێ ژلایێ ئەمریکا ھێنەدان.
دکتۆر سالح مەلا عومەر، پڕۆفیسۆرێ ھاریکار یێ زانستێن سیاسی بۆ ئەڤرۆ نیوز دیار کر کو ئەگەرێن بڕیارا ئەمریکا بۆ ڤەکێشانا ھێزێن خوە ل سووریا بۆ چەندین ئەگەران ڤەدگەڕن ژوان، دۆنالد ترامپ سەرۆکێ ئەمریکا ل بن گڤاشتنێن رەجەب تەیب ئەردۆغان سەرۆکێ تورکیا ل دۆر بادەکا کوشتنا خاشقچی و ئاشکراکرنا دیکۆمێنێت زێدەتر ل سەر بابەت و پاراستنا گرێبەستێن فرۆتنا چەکی دگەل محەمەد بن سەلمان گڤاشتنێن کۆنگرێسی بۆ لادانا محەمەد بن سەلمان رێگری کرنێ ل دژایەتیکرنا زێدەترا تورکیا و سعودیا وەک دو ھەڤپەیمانێن ئەمریکا ھەتا بشێت تورکیا زێدەتر رازی بکەت بۆ سەپاندنا سزایێن زێدەتر بۆسەر ئیرانێ .
ئەڤی بسپۆرێ زانستێن سیاسی گۆت ژی تەھران زێدەتر نەچارببیت بۆ پرۆگرامێ ئەتۆمی رێکەفتنا نوو دگەل ئەمریکا ئەنجام بدەت، ترامپ بشێت د ھەلبژارتنێن سەرۆک کۆماریێ یێن سالا ٢٠٢٠ێ سەرکەفتنێ بدەستڤە بینیت، ئەڤە بووینە ئەگەرێ دەرکرنا بڕیارا ڤەکێشانا ھێزێن خوە ل سووریا،
دکتۆر سالح مەلا عومەر ئاماژە دا وێ چەندێ کو پێشبینی دھێتەکرن ل داھاتی دا ئەمریکا ھندەک بڕیارێن دی ژی بدەت د بەرژەوەندیا تورکیا دا ژوان ژی دەرکرنا فەتحولا گویلەن بۆ وەلاتێ سیێ.
