پلێتێن گازا سپی بۆ ئاواران وەکو وەلاتیێن پارێزگەھێ دێ ھێنە چێکرن
ئەڤرۆ:
قائیمقامیا قەزا دھۆک راگەھاند ئەو خێزانێن بەری 10\6\2014ێ ئاوارە بووینە دھۆکێ پلێتێن گازا سپی وەک وەلاتیێن پارێزگەھێ دێ بۆ ھێنە چێکرن و ل ڤان رۆژان دێ ھێنە پارڤەکرن.
عەبدولسەلام جەمیل رێڤەبەرێ کارگێریا قائیمقامیا قەزا دھۆک راگەھاند کو ئەو خێزانێن بەری 10\6 د ئەڤ سالە دا ژبەر وێ رەوشا نالەبار ئاوارە بووینە سنوورێ پارێزگەھا دھۆکێ کو ل پێش وەخت ناڤێن وان ل قائیمقامیێ ھاتینە تۆمارکرن پلێتێن گازا سپی دێ بۆ ھێنە چێکرن و گۆت “ل ڤان رۆژان دێ ل سەر وان خێزانان ھێنە بەلاڤکرن”.
دەربارەی خێزانێن پشتی ڤی ماوەی ژی ئاوارەبووین عەبدولسەلامی دیار کر کو ھەر خێزانەک ژ وان سەد لترێن گازا سپی بێی بەرامبەر بۆ دھێنە دان و گۆت “ئەڤ چەندە ل ناحیێن مانگێشکێ و زاویتە ب دووماھی ھاتیە و نوکە ل تاخێ نزارکێ دەست پێ کریە و دێ یا بەردەوام بیت ھەتا ھەموو خێزان وەردگرن”.
ژ لایەکێ دن ڤە رێڤەبەرێ کارگێریا قائیمقامیا قەزا دھوک گۆت “نھا راستە ھند ژ ئاواران دەربارەی دانا پشتگیریێ گازندێ دکەن، بەلێ ئەم نەشێین پشتگیریێ بدەینە ھەموو کەسان ژبەر کاودانێن ئەمنی و دەما کەسەکی پێدڤیەکا زروری ھەبیت وی دەمی ئەم ب رێکا سازیێن پەیوەندیدار پشگیریێ بۆ چێ دکەین وەکو دن بۆ کەسێ ناھێتە دان” .
