په‌رله‌مانتاره‌ك:دابه‌شنه‌كرنا پارێ جوتیارێن هه‌رێمێ ژلایێ عێراقێ ڤە بابەتەک سیاسیه
ئه‌ڤرۆ نیۆز،ره‌مه‌زان هه‌رنى :
ئه‌ندامه‌كێ كورد ل لیژنه‌یا چاندنێ و ژێده‌رێن ئاڤێ ل جڤاتا نوونه‌رێن عێراقێ دیاركر،کوحوکمه‌تا عیراقێ ب بهانه‌یا كریزا دارایى پارێ چار سالێن جوتیارێن هه‌رێمێ دابه‌ش نه‌كریه،به‌لێ د راسستیدا بابه‌ت كریزا دارایى نینە،به‌لكو وان ئه‌ڤ پرسه ب سیاسى ل قه‌له‌م دایه و دیسا به‌رده‌وام ئه‌و یێ لسه‌ر خه‌تى كو پارێ جوتیارا وه‌ربگرن ژ عیراقێ،هەروەسا عێراقێ رێژا وه‌رگرتنا گه‌نمێ جوتیارا گه‌له‌ك كێم كربوو، به‌لێ ژبه‌ر وان گڤاشتنێن مه ل حكومه‌تا عیراقێ كرین بریاره جوتیارێن هه‌رێمێ پارێ گه‌نمێ ئه‌ڤ ساله و سالێن بورى وه‌ربگرن.
خوشه‌ڤى خه‌لیل ئه‌ندامێ لێژنه‌یا چاندنێ و ژێده‌رێن ئاڤێ ل جڤاتا نونه‌رێن عیراقێ بۆ ئه‌ڤرۆ نیۆز دیارکر، ئه‌ڤ ساله حوکمه‌تا عیراقێ به‌رنامه نه‌بوو گه‌نمێ جوتیارێن كوردستانێ وه‌ربگرن به‌لێ پشتى گڤاشتنه‌كا زێده بریار هاته دان رێژا 17% گه‌نمێ جوتیاران بهێت وه‌رگرتن، به‌لێ ب بهانه‌یا هه‌بوونا كریزا داریێ پارێ جوتیاران دابه‌شنه‌كریه و بریارا وان دبنه‌ره‌ت دا بریارەکا سیاسى یه.
خوشه‌ڤى دیار كرى ژى،ژبه‌ر وێ ره‌وشا سیاسیا دناڤه‌به‌را هه‌رێمێ و عیراقێ دا ئه‌ڤ ساله پتر ئاسته‌نگ هاتنه دروست كرن بۆ وه‌رگرتنا گه‌نمێ جوتیاران تایبه‌ت پرسا ریفراندومێ،سه‌ره‌راى وێ چه‌ندێ رێژا 17% گه‌نمێ جوتیارێن هه‌رێمێ هاته ره‌وانه‌كرن بۆ سایلویێن عیراقێ.
خه‌لیل ئاشكراكر ژى:مه گه‌له‌ك گڤاشتن ل حوکمه‌تێ كرینه كو پارێ سالێن بورى هه‌موویێ ره‌وانه‌ى كوردستانێ بكه‌ن ل گه‌ل پارێ ئه‌ڤ ساله‌یێ جوتیارێن هه‌رێمێ به‌لێ مخابن پارێ جوتیارا ل عیراقێ بوویه پرسه‌كا سیاسى و ژبه‌ر وێ چه‌ندێ پارێ جوتیارا ناده‌ن،هەروەسا ژبه‌ر تێكچوونا په‌یوه‌ندیان پارێ جوتیاران ب سیاسى هاتیه راگرتن نه‌ك نه‌بوونا پاره‌ى.