په‌رله‌مانتاره‌كێ سائيرون داخوازا راگه‌هاندنا ره‌وشا نه‌ئاسايى دكه‌ت
ئه‌ڤرۆنيوز:
په‌رله‌مانتاره‌كێ ليستا سائيرون ره‌خنێن توند ئاراسته‌ى هێزێن ئه‌منى ل به‌سرا گرتن ژ ئگه‌رێ وێ ره‌فتارێ ل گه‌ل خوه‌نيشانده‌ران هاتيه كرن ودئه نجامدا هژماره‌كا خوه‌نيشانده‌ران هاتينه كوشتن وبرينداركرن وداخواز ژ حوكمه‌تا عيراقى كر ره‌وشا نه‌ئاسايى ل پارێزگه‌ها به‌سرا ب راگه‌هينيت وخزمه‌تگوزاريێن سه‌ره‌كى بۆ دابين بكه‌ت.
عه‌لا روبێعى، په‌رله‌مانتارێ ليستا سائيرون ب سه‌رۆكاتيا موقته‌دا سه‌در دبه‌ياننامه‌كێ دا راگه‌هاند” پێدڤيه حوكمه‌ت وسه‌ركردايه‌تيێن سياسى داوازيێن سه‌ره‌كى ژ خزمه‌تگوزاريان ب تايبه‌تى ئاڤا ڤه‌خوارنێ بۆ به‌سرا دابين بكه‌ن”.
روبێعى هه‌لويستێ حوكمه‌تا عيراقى شه‌رمزاركر ل به‌رامبه‌ر وێ ره‌فتارا ل گه‌ل خه‌لكێ به‌سرا دكه‌ت كو ئه‌و پارێزگه‌ها ب تنێ 80% ژ په‌ترۆلا عيراقێ به‌رهه‌م دئينيت وژێده‌رێ دارايى يێ ئێكێيه بۆ عيراقێ، دده‌مه‌كى دا ئاڤا پاقژ يا ڤه‌خوارنێ وكاره‌ب لێ نينه”.
