په‌رله‌مانتاره‌ك: ئه‌گه‌ر چاكسازيێن بارزانى نه‌هێته بجهئينان دێ فه‌وزا دروست بيت
ئه‌ڤرۆ نيوز:
فرسه‌ت سوفى ئه‌ندامێ په‌رله‌مانێ كوردستانێ دياركر بريارێن سه‌رۆك بارزانى ل ده‌مه‌كێ گونجايى دا بوون، به‌لێ ئه‌گه‌ر نه‌هێته بجهئيننان، دێ فه‌وزا دروست بيت.
فرسه‌ت سوفى ئه‌ندامێ په‌رله‌مانێ كوردستانێ دياركر ژى بريارێن بارزانى بۆ چاكسازيێ ب دووماهى فرسه‌ت دزانين بۆ ڤه‌گه‌راندنا باوه‌ريێ ب وه‌لاتيان.
دوهى مه‌سعود بارزانى سه‌رۆكێ پارتى دیموكراتى كوردستان ژ پێخه‌مه‌ت رێكخستنا كاروبارێن كارگێر و دارایى یێن پارتى چه‌ند بڕیاره‌كێن گرنگ ده‌رخستن، ژ وان ژى، پێداچوون ب مولك و مالێن به‌رپرسێن سه‌ر ب پارتى یان ئه‌وێن ل ژێر سێبه‌را پارتى دا كاركرین، پێداچوون ب هه‌موو كۆمپانى و سازیێن بازرگانى یێن سه‌ر ب پارتى ڤه و زڤراندنا داهاتێ وان بۆ پارتى، پێداچوون ب هه‌موو ئه‌رد و مولكێن حكومه‌تێ كو ژ ئالیێ به‌رپرسه‌كێ پارتى ب شێوێ گرێبه‌ستا موساته‌حه، یان وه‌به‌رهێنان یان مولك، دیسان پێداچوون ب ده‌زگه‌هێ وه‌به‌رهێنانا پارتى و رێكخستن و به‌ره‌ڤ پێشبرنا وانا و پێدڤیه رێژه‌ك ژ مفایێ وان كۆمپانى و كه‌سێن كو ل ژێر سیبه‌ر و ده‌ستهه‌لاتا پارتى دا ب ره‌نگه‌كێ قانوونى كار كرى، بۆ حزبێ بهێته ته‌رخانكرن و بۆ زێده‌كرنا داهاتێ حزبێ میكانزمه‌ك بهێته ده‌ستنیشان كرن، دیسان پێكئینانا لژنه‌كا تایبه‌ت ژ ئالیێ سه‌رۆكێ پارتى ڤه بۆ بجهئینانا ڤان بریاران.
