پهرلهمان دێ راپۆرتهكێ ل دۆر رهوشا پانزینێ بهرههڤكهت
پهرلهمان دێ راپۆرتهكێ ل دۆر رهوشا پانزینێ بهرههڤكهت
ههولێر، قائید میرۆ:
بڕیاره لژنا سامانێن سرۆشتی ل پهرلهمانێ كوردستانێ راپۆرتهكێ ل دۆر رهوشا پانزینێ بهرههڤ بكهت و ئهندامهكێ لژنێ ژی دبێژیت: مه داخواز كریه پارزینگهههكا حكومی بۆ بهرههمئینانا پانزینێ و چارهسهركرنا قهیرانا پانزینێ بهێته دانان.
جیهاد حهسهن، ئهندامێ لژنا سامانێن سرۆشتی ل پهرلهمانێ كوردستانێ بۆ رۆژناما ئهڤرۆ دیار كر، لژنا سامانێن سرۆشی ل دۆر رهوشا پانزینێ كۆمبوویه و تێدا بڕیار هاتیهدان لژنه راپۆرتهكێ ل دۆر رهوشا پانزینێ ل ههرێما كوردستانێ بهرههڤ بكهت و وهزیرێن پهیوهندیدار ژی بۆ پهرلهمانی بهێنه گازیكرن، چونكو د دهمێ نوكه دا ههم ژ لایێ بهای پانزین گرانبوویه و ههم ژی كوالیتیا پانزینێ گهلهكا خرابه و گۆت: “ههر ئهندامهكێ لژنێ دێ ژ لایێ خوهڤه دووڤچوونێ ل سهر بابهتی كهت و دووماهیێ راپۆرتهك ل دۆر رهوشا پانزینێ دێ هێته بهرههڤكرن”.
جیهاد حهسهن گۆتژی: “ئهگهرێن بلندبوونا بهایێ پانزینێ گهلهكن، بهلێ ئهگهرێ سهرهكی ئهڤهیه، كو ل بازاڕێن جیهانێ بهایێ نهفتێ بلندبوویه و كاریگهری كریه سهر بلندبوونا بهایێ پانزینێ، ژ لایهكێ دیڤه هاتنا پانزینێ ژ دهرڤه هاتیه سنوورداركرن و بهغدا ژی وهك پێدڤی پشكا ههرێما كوردستانێ ناهنێریت، ئهڤه ژی بووینه ئهگهر بهایێ پانزینێ بلند ببیت و كوالیتی ژی خراپتر بیت، مه داخواز كریه پارزینگهههكا حكومی بۆ نههێلانا قهیرانا پانزینێ بهێته دانان”.