په‌كه‌كه‌ و حەشدا شەعبی ژ شنگالێ دەرنەکەفتینە

ئەڤرۆ نیوز:

بەرپرسێ لقا پارتی ل شنگالێ دبێژیت، چه‌كدارێن په‌كه‌كێ و حەشدا شەعبی ژ شنگالێ دەرنەکەفتینە و ئەو ئاخڤتنێن دهێنە گۆتن ژی، ب تنێ بۆ سه‌ردابرنا رایا گشتییە.
قادر قاچاغ دبێژیت ژی، دهێته‌ گۆتن کو رێککەفتنا شنگالێ ھاتیە بجهئینان و ھێزێن نە یاسایی ژ شنگالێ دەرکەڤتینه‌ و ئارامی و ئاسوودەیی ھاتیە شنگالێ، ئەڤ ئاخفتنه‌ ھەموو دره‌ون و ژ بەرکو چ گوھۆرینه‌ك د شنگالێ دا چێنەبوویە.
قادر قاچاغ دبێژیت، ئەو تشتێن دهێنەگۆتن ب تنێ بۆ سه‌ردابرنا رایا گشتییە، چونكی ھێزێن په‌كه‌كێ و حەشدا شەعبی ژ شنگالێ دەرنەکەفتینە،  ھێزێن عیراقی دناڤا شنگالێ دا نینن، چەکدارێن په‌كه‌كێ و حەشدا شەعبی جلێن ھێزێن عیراقی ل بەرخو کرینە و تا كو نه‌هێنه‌ نیاسین. پشكه‌كا دی ژی ب جلێن سڤیل هاتنوچوونێ دكه‌ن، ژ بەر ڤێ چه‌ندێ ھەتا نوكه‌ مەترسی ل سەر ئاخ و خەلکێ شنگالێ یا بەردەوامە.

کۆمێنتا تە