په‌يمانگه‌ها ته‌كنيكى دهۆك فيسته‌ڤالا خوه ئه‌نجامدا
ئه‌ڤرۆ نيوز:
ل ژێر دروشمێ (قوتابی هێڤێنێ ئاڤه‌دانی و ده‌وله‌تبونێ یه ) و ل ژێر چاڤدێریا سه‌روكێ زانكویا پولیته‌كنیك يا دهۆك (پ.د.عدنان محسن عبدالعزیز)، په‌یمانگه‌ها ته‌كنیكی دهوك ب هه‌ردو بسپوریێن خو یێن ته‌كنولوژجی و پزیشكی ڤه ڤیسته‌ڤالا خویا سالا خواندنێ (2015-2016) ل ئاڤاهیێ په‌یمانگه‌هێ ئه‌نجامدا.
د. سالح ئه‌تريشى راگرێ په‌يمانگه‌ها ته‌كنيكى دهۆك دياركر: مه دخواست شيانێن قوتابيێن خوه بۆ جڤاكى دياركه‌ين كو زانكۆيا پوليته‌كنيك ل سه‌ر ئاستێ دهۆكێ ژ وان زانكۆيايه كو پتر قوتابيێ وێ فێرێ كارێ پراكتيك دبيت و پرانيا كه‌سێن ل فه‌رمانگه‌هان كار دكه‌ن ئه‌ون يێن ده‌رچوويێن په‌يمانگه‌ها.
د. سالح هه‌روه‌سا گۆت: مه دخواست وه‌رشه و تاقيگه‌هێن خوه نيشا خه‌لكى و رێڤه‌به‌ريێن دهۆكێ بده‌ين داكو ل ئاينده‌ى پتر هه‌ماهه‌نگى د ناڤبه‌را مه و دام و ده‌زگه‌هان دا هه‌بيت و پتر بشێن پێكڤه كار بكه‌ين.
د. سالح په‌سنا به‌رهه‌مێن قوتبيان كر و دياركر كو به‌رهه‌مێن قوتابيان گه‌له‌ك د مفادار بوون و دفيسته‌ڤالێ دا هاتنه نبشادان ب تايبه‌ت پشكێن ئاى تى و ميكانيك كو ئه‌گه‌ر حكومه‌ت د ڤێ قه‌يرانێ دانه‌با و پشته‌ڤاني هه‌بوايه د شياندابوو به‌رهه‌مێن وان به‌رفره‌هتر لێ هاتبانه كرن و كه‌تبانه د خزمه‌تا جڤاكى دا.
راگرێ په‌يمانگه‌ها ته‌كنيكى دهۆك ئاماژه ب وێ يه‌كێ كر ژى كو ئه‌ڤ فيسته‌ڤاله دێ سالانه د به‌رده‌وام بن، لێ يا ئه‌ڤ ساله ژ هه‌موو سالێن بوورى به‌فره‌هتر بوو.
